बुधवार, 21 ऑक्टोबर 2026
(फोटो सौजन्य - Instagram)
बॉलिवूड गायक अरमान मलिकने त्याच्या चाहत्यांना आनंदाची बातमी दिली आहे, तो त्याचा नवीन अल्बम लवकरच प्रेक्षकांसाठी घेऊन येत आहे. याबद्दल बोलताना, गायकाने सांगितले की त्याने एक सोलो गाणे गायले आहे, जे त्याचा धाकटा भाऊ अमाल मलिकने संगीतबद्ध केले आहे. या संभाषणादरम्यान, अरमान मलिकने असेही सांगितले की त्याच्या आणि त्याच्या धाकट्या भावामध्ये सर्व काही ठीक आहे. त्यांच्या नात्यात काहीही बदलू शकत नाही. एवढेच नाही तर अरमान मलिकने सोशल मीडिया पोस्टद्वारे दोन्ही भावांमध्ये कोणताही वाद नसल्याचेही नमूद केले आहे.
Cannes Film Festival 2025 मध्ये दिसणार ‘हे’ पाच भारतीय चित्रपट, यादीत कोणकोणत्या चित्रपटाचा समावेश!
म्युझिक व्हिडिओबद्दल अपडेट आले समोर
एचटीच्या वृत्तानुसार, अरमान मलिक म्हणाला, ‘मी एक गाणे गायले आहे जे अमालने संगीतबद्ध केले आहे. ज्याचे नाव ‘बीबी’ असे ठेवण्यात आले आहे. हे एक हिंदी-पंजाबी गाणे आहे जे एक-दोन महिन्यांत प्रदर्शित करण्याचे नियोजन केले गेले आहे. त्याचा धाकटा भाऊ अमाल मलिकसोबत काम करण्याबद्दल, गायक पुढे म्हणाला, ‘आमचे नाते तसेच आहे आणि तसेच राहणार आहे. मला माझ्या भावासोबतचे नाते माहित आहे आणि आम्ही खूप जवळचे आहोत.
अमालबद्दल गायकाने काय म्हटले?
अरमान मलिक पुढे म्हणतो, ‘मी असा माणूस आहे ज्याला लोक किंवा सोशल मीडिया वापरकर्ते काय विचार करत आहेत याची पर्वा नाही. माझ्यासाठी फक्त एकच गोष्ट महत्त्वाची आहे ती म्हणजे मी आणि माझा भाऊ काय विचार करतो. आम्ही खूप व्यवस्थित आहोत. आमच्यात कधीही काहीही बदलू शकत नाही. अमलने सोशल मीडियावर असेही सांगितले आहे की आमच्यात कोणताही वाद नाही.’
Amazon Prime Video आणखी महागणार, जाहिरातीच्या नावाखाली किंमत वाढवून चाहत्यांची फसवणूक!
काय आहे संपूर्ण प्रकरण?
अमाल मलिकने सोशल मीडियावर एक पोस्ट शेअर करून त्याच्या कुटुंबासोबतचे नाते संपवण्याबद्दल बोलून चाहत्यांना धक्का दिला होता. तो त्याच्या नैराश्यासाठी त्याच्या पालकांना जबाबदार धरत होता. अमाल म्हणाला होता की, गेल्या अनेक वर्षांपासून त्याला असे वाटून दिले जात आहे की दिवसरात्र कठोर परिश्रम करूनही तो त्यांच्या प्रियजनांना सुरक्षित जीवन देण्यात अपयशी ठरला आहे. त्याने सांगितले होते की आतापासून तो त्याच्या कुटुंबाशी फक्त व्यावसायिक संभाषण करेल. या संपूर्ण वादावर अरमान मलिकने मौन बाळगले होते.
