(फोटो सौजन्य- इन्स्टाग्राम)
धर्मेंद्र यांच्या मृत्यूच्या अफवा सोशल मीडियावर वेगाने पसरत आहेत. दरम्यान, त्यांच्या पत्नी आणि बॉलीवूड अभिनेत्री हेमा मालिनी यांनी एक पोस्ट शेअर करून अफवांवर संताप व्यक्त केला आहे. त्यांनी म्हटले आहे की जे घडत आहे ते चुकीचे आहे. खोट्या बातम्या पसरवणे थांबवा. ते बरे होत आहेत. तसेच त्यांची मुलगी ईशा देओलने देखील मीडियाला कळकळीची विनंती केली आहे.
हेमा मालिनी काय म्हणाल्या?
हेमा मालिनी यांनी त्यांच्या अधिकृत एक्स अकाउंटवर एक पोस्ट शेअर केली आहे. पोस्टमध्ये अभिनेत्रीने लिहिले की, “जे घडत आहे ते खूप वाईट आहे. उपचारांना प्रतिसाद देत असलेल्या आणि बरे होणाऱ्या व्यक्तीबद्दल जबाबदार चॅनेल खोट्या बातम्या कशा पसरवू शकतात? हे अत्यंत अनादरपूर्ण आणि बेजबाबदार आहे. कृपया कुटुंबाचा आणि त्यांच्या गोपनीयतेच्या गरजेचा आदर करा.”
What is happening is unforgivable! How can responsible channels spread false news about a person who is responding to treatment and is recovering? This is being extremely disrespectful and irresponsible. Please give due respect to the family and its need for privacy. — Hema Malini (@dreamgirlhema) November 11, 2025
ब्रीच कँडी रुग्णालयात अभिनेता दाखल
धर्मेंद्र यांना काल मुंबईतील ब्रीच कँडी रुग्णालयात दाखल करण्यात आले होते. त्यांना श्वसनाचा त्रास होत होता आणि त्यांना व्हेंटिलेटर सपोर्टवर ठेवण्यात आले आहे. ८९ व्या वर्षी अभिनेत्याच्या निधनाची बातमी आता सोशल मीडियावर व्हायरल झाली आहे. परंतु, सनी देओलने काल लोकांना अशा खोट्या बातम्या पसरवण्यापासून सावध केले होते आणि अफवा पसरवू नयेत असे आवाहन केले होते.
सेलिब्रिटींनी रुग्णालयात दिली भेट
अभिनेत्याच्या प्रकृती बिघडल्याची बातमी ऐकताच, बॉलीवूड स्टार्समध्ये तणाव पसरला. सलमान खान, शाहरुख खान, आर्यन खान, अमिषा पटेल आणि गोविंदा हे सर्वजण काल रात्री रुग्णालयात अभिनेत्याला भेटण्यासाठी आले हजर झाले होते. त्यांचे चेहरे उदास होते आणि त्यांनी माध्यमांशी बोलण्यास नकार दिला. तसेच आता सगळ्यांचे लक्ष त्यांच्या अभिनेत्याची प्रकृती कधी बरी होईल याकडे लागले आहे.
