साई आणि जुनैदच्या ‘एक दिन’मधील ‘कोनिचिवा’ गाणं ठरलं चाहत्यांची पहिली पसंत; चित्रपटाची उत्सुकता शिगेला

साई आणि जुनैदच्या ‘एक दिन’मधील ‘कोनिचिवा' गाणं रिलीज झाल्याबरोबरच चर्चेत आलं आहे. अशातच आता या रोमँटिक चित्रपटाची उत्सुकता वाढत आहे. हा चित्रपट येत्या १ मे ला सिनेमागृहात प्रदर्शित होणार आहे.

• ‘एक दिन’मधील ‘कोनिचिवा’ गाणं चर्चेत
• चित्रपटाची उत्सुकता शिगेला
• साई आणि जुनैदची जोडी चमकणार

 

आमिर खान प्रोडक्शन्सची बहुप्रतिक्षित फिल्म ‘एक दिन’ सध्या प्रेक्षकांच्या चर्चेचा केंद्रबिंदू ठरत आहे. साई पल्लवी आणि जुनैद खान यांच्या मुख्य भूमिका असलेली ही फिल्म एक गोड, भावनिक आणि मनाला भिडणारी प्रेमकथा मांडणार असल्याची झलक आधीच ट्रेलर आणि गाण्यांमधून पाहायला मिळाली आहे. या चित्रपटाबद्दलची उत्सुकता दिवसेंदिवस वाढत असताना, नुकतेच रिलीज झालेले ‘कोनिचिवा’ हे गाणे प्रेक्षकांची विशेष पसंत ठरत आहे.

‘कोनिचिवा’ हे गाणे केवळ एक ट्रॅव्हल ट्रॅक नसून, ते “हॅलो” म्हणण्याच्या भावनेला एका सुंदर पद्धतीने साकारते. जपानी भाषेत “कोनिचिवा”चा अर्थ “हॅलो” असा होतो आणि या गाण्यात त्याचा अत्यंत मोहक वापर करण्यात आला आहे. जपानच्या निसर्गरम्य ठिकाणी चित्रित केलेले हे गाणे, दृश्य आणि संगीत यांचा अप्रतिम संगम साधत प्रेक्षकांना एका वेगळ्याच दुनियेत घेऊन जाते. प्रेमाची सुरुवात, नवीन नात्याची चाहूल आणि एका सुंदर प्रवासाची सुरुवात या सगळ्यांचा अनुभव या गाण्यातून मिळतो.

‘राजा शिवाजी’चा दमदार पोस्टर रिलीज; “छत्रपती” अँथमची घोषणा, चाहत्यांची उत्सुकता शिगेला

विशेष म्हणजे, अनेक दशकांपूर्वी Love in Tokyo (1966) मधील ‘सायोनारा सायोनारा’ या गाण्याने जपानी शब्दाद्वारे “बाय” म्हणण्याची ओळख करून दिली होती. आता ‘एक दिन’मधील ‘कोनिचिवा’ गाणे त्या आठवणींना उजाळा देत “हॅलो” म्हणण्याची नवी अनुभूती देत आहे. अशा प्रकारे हे गाणे जुन्या आणि नव्या पिढीला एकत्र जोडण्याचे काम करत आहे.

या चित्रपटाची आणखी एक मोठी खासियत म्हणजे आमिर खान आणि मन्सूर खान ही हिट जोडी अनेक वर्षांनंतर पुन्हा एकत्र आली आहे. हिंदी चित्रपटसृष्टीतील ही जोडी ‘कयामत से कयामत तक’, ‘जो जीता वही सिकंदर’, ‘अकेले हम अकेले तुम’ आणि ‘जाने तू… या जाने ना’ यांसारखे अविस्मरणीय चित्रपट देण्यासाठी ओळखली जाते. ‘एक दिन’च्या माध्यमातून ते पुन्हा एकदा रोमँटिक जॉनरमध्ये परतत असल्याने चाहत्यांमध्ये प्रचंड उत्साह आहे.

मोनालिसाचं आता काय खरं नाही..! तपासात धक्कादायक खुलासा; पती फरमान खानवर ‘पोक्सो’अंतर्गत गुन्हा दाखल

चित्रपटाचे दिग्दर्शन सुनील पांडे यांनी केले असून, निर्मिती आमिर खान, मन्सूर खान आणि अपर्णा पुरोहित यांनी केली आहे. ‘एक दिन’ हा चित्रपट १ मे २०२६ रोजी चित्रपटगृहांमध्ये प्रदर्शित होणार असून, ही प्रेमकथा प्रेक्षकांच्या मनात नक्कीच खास स्थान निर्माण करेल, अशी अपेक्षा व्यक्त केली जात आहे. एकंदरीत, ‘एक दिन’ हा केवळ एक प्रेमकथा नसून, भावना, संगीत आणि नात्यांच्या नव्या सुरुवातीचा सुंदर उत्सव आहे. ‘कोनिचिवा’सारख्या गाण्यांमुळे या चित्रपटाची मोहकता आणखी वाढली असून, प्रेक्षक आता या ताज्या प्रेमकथेचा अनुभव मोठ्या पडद्यावर घेण्यासाठी उत्सुक आहेत.