(फोटो सौजय -इन्स्टाग्राम)
हिमेश रेशमिया आणि इमरान हाश्मी यांच्या जोडीने बॉलीवूडला अनेक उत्तम गाणी आणि थ्रिलर चित्रपट दिले आहेत. आता ही जोडी पुन्हा एकदा ‘गनमास्टर जी ९’ मध्ये एकत्र काम करण्यास सज्ज झाली आहे. चित्रपटाच्या निर्मात्यांनी बुधवारी त्याचा टीझर रिलीज केला. या बातमीने चाहते उत्सुक आहेत. तसेच या दोघांच्या एकत्र येण्याने पुन्हा २००० चा काळ जगता येईल अशी चाहत्यांची आशा आहे.
‘गनमास्टर जी ९’ चा टीझर झाला प्रदर्शित
चित्रपट निर्माते दीपक मुकुट यांनी सोशल मीडिया प्लॅटफॉर्म इस्टाग्रामवर एक व्हिडिओ शेअर केला आहे. या व्हिडिओमध्ये दुधाने भरलेल्या बादलीतून एक गूढ हात बाहेर येताना दिसतो आहे. यादरम्यान, इमरान हाश्मी म्हणतो, ‘जर तुम्ही माझ्यासोबत गोंधळ केलात तर काही हरकत नाही. जर तुम्ही चुकून माझ्या कुटुंबाला हात लावलात तर लक्षात ठेवा. मी व्यवसायाने दूधवाला आहे, पण गनपावडर वापरतो.’ असे म्हणताना तो दिसत आहे.
जिगरबाज समृद्धी… ‘हळद रुसली कुंकू हसलं’ मालिकेत कृष्णाने ४० फूट खोल विहिरीत मारली उडी
हा चित्रपट २०२६ मध्ये प्रदर्शित होणार आहे
या व्हिडिओच्या कॅप्शनमध्ये असे लिहिले आहे की, ‘दुधापासून बारूदपर्यंत, भाज्यांपासून गुंडांपर्यंत, गोळ्यांपासून मारहाणीपर्यंत, ‘गनमास्टर जी ९’ विनाशासाठी सज्ज आहे. ही टीम प्राणघातक आहे. दीपक मुकुट, नर मुकुट, सोहम रॉकस्टार एंटरटेनमेंट इमरान हाश्मी, आदित्य दत्त आणि हिमेश रेशमिया यांना परत आणण्यास आनंदित आहेत. त्यांच्यासोबत जेनेलिया देशमुख आणि अपारशक्ती खुराणा देखील दिसणार आहेत. ‘गनमास्टर जी ९’ २०२६ मध्ये थिएटरमध्ये दाखल होईल.’ असे लिहून निर्मत्यानी ही पोस्ट शेअर केली आहे.
View this post on Instagram
हिमेश आणि इमरानची जोडी युजरला आवडली
या पोस्टवर अनेक युजर्सनी कमेंट केल्या आहेत. एका युजरने लिहिले आहे की, ‘अखेर हिमेश रेशमिया आणि इमरान हाश्मी एकत्र आले आहेत. २००० चा काळ पुन्हा येईल.’ दुसऱ्या युजरने लिहिले आहे की, ‘अरे देवा, २०२५ मध्ये इमरान हाश्मी आणि हिमेश रेशमिया. व्वा, काय वर्ष आहे.’ दुसऱ्या युजरने लिहिले आहे की, ‘इम्रान हाश्मी आणि हिमेश रेशमिया खूप दिवसांनी. जुने आणि सोनेरी दिवस परत येत आहेत.’ अश्या कंटनेत करून चाहत्यांनी आनंद व्यक्त केला आहे.
स्नेहलता वसईकरचा जबरदस्त कमबॅक, ‘तुझ्यासाठी तुझ्यासंगं’ या नव्या मालिकेत साकारणार दमदार भूमिका
जाणून घ्या ‘गनमास्टर जी ९’ चित्रपटाबद्दल
‘गनमास्टर जी९’ हा चित्रपट आदित्य दत्त दिग्दर्शित करत आहेत. यापूर्वी त्यांनी ‘आशिक बनाया आपने’ आणि ‘टेबल नंबर २१’ हे चित्रपट दिग्दर्शित केले होते. ‘गनमास्टर जी९’ मध्ये इमरान हाश्मी, अपारशक्ती खुराणा आणि जेनेलिया देशमुख यांच्या महत्त्वाच्या भूमिका पाहायला मिळणार आहे. त्याचे निर्माते दीपक मुकुट, हुनर मुकुट आहेत. हा चित्रपट सोहम रॉकस्टार एंटरटेनमेंटच्या बॅनरखाली प्रदर्शित होणार आहे. या चित्रपटाला हिमेश रेशमिया यांचे संगीत आहे. हा चित्रपट २०२६ मध्ये चित्रपटगृहांमध्ये प्रदर्शित होणार आहे.
