(फोटो सौजन्य - सोशल मीडिया)
प्रसिद्ध पाकिस्तानी अभिनेत्री सबा कमर रुग्णालयात दाखल आहे. अतिसारामुळे अभिनेत्रीला रुग्णालयात दाखल करण्यात आले होते, त्यानंतर तिने तिच्या आरोग्याची अपडेट शेअर केली. ही अभिनेत्री २०१७ मध्ये आलेल्या ‘हिंदी मीडियम’ या बॉलिवूड चित्रपटात दिवंगत अभिनेता इरफान खानसोबत दिसली होती. तिने प्रसिद्ध पाकिस्तानी नाटक ‘पागल खाना’ मध्येही मुख्य भूमिका साकारली आहे. तिच्या आरोग्य अपडेटमध्ये तिने सांगितले की ती बरी होत आहे. तसेच अभिनेत्रीसाठी तिचे चाहते ती बरे होण्यासाठी प्रार्थना करत आहेत.
आरोग्य अपडेट शेअर केले
अभिनेत्री सबा कमरने तिच्या इंस्टाग्राम स्टोरीवर हॉस्पिटलच्या बेडवरून तिच्या कुटुंबियांसोबत पोज देताना एक हसतमुख छायाचित्र शेअर केलेआहे. तिने लिहिले, “चाहत्यांनो! मला माहित आहे की तुमच्यापैकी बरेच जण माझ्याबद्दल काळजीत होते. म्हणून मी तुम्हाला कळवू इच्छित होते की मला तीव्र अतिसार झाला होता, पण मला आता देवाच्या कृपेने, मला आता खूप बरे वाटत आहे.” असे लिहून अभिनेत्रीने ही पोस्ट शेअर केली आहे.
मला तुमच्या प्रार्थनेत ठेवा…
चाहत्यांचे आभार व्यक्त करताना अभिनेत्री पुढे म्हणाली, “मी चांगली कामगिरी करत आहे आणि माझी अद्भुत टीम माझी काळजी घेत आहे.” पुढे, प्रेम आणि प्रार्थनांबद्दल कृतज्ञता व्यक्त करताना सबा कमर म्हणाली, “तुमचे प्रेम आणि प्रार्थना माझ्यासाठी खूप अर्थपूर्ण आहेत आणि मी वचन देते की मी लवकरच परत येईन. तुम्हा सर्वांवर प्रेम आहे, मला तुमच्या प्रार्थनेत ठेवा.” असे लिहून अभिनेत्रीने चाहत्यांचे आभार मानले आहे.
सबा कमरची कामाची ओळख
सबा कमरच्या कामाबद्दल बोलायचे झाले तर, तिने अलिकडेच सात वर्षांनी टीव्हीवर पुनरागमन केले आहे. सैफ हसन दिग्दर्शित ‘मोहब्बत युन भी होनी थी’ या टेलिफिल्मद्वारे तिने अहसान खानसोबत काम केले आहे. सबा शेवटची ‘पागल खाना’ मध्ये दिसली होती. अभिनेत्रीचे काम चाहत्यांना खूप आवडते आहे तसेच तिचा चाहता वर्ग देखील मोठा आहे.
.png "Videos"){kind=small}
