(फोटो सौजन्य - x अकाउंट)
दाक्षिणात्य सुपरस्टार रजनीकांत पुन्हा एकदा आपल्या जबरदस्त शैलीने चाहत्यांची मने जिंकण्यासाठी येत आहेत. त्यांच्या आगामी ‘कुली’ चित्रपटातील ‘चिकीतू’ हे पहिले गाणे २५ जून रोजी प्रदर्शित झाले आणि काही तासांतच त्याने इंटरनेटवर धुमाकूळ घातला आहे. तसेच हा चित्रपट पाहण्यासाठी चाहते खूप उत्सुक आहेत. याचबरोबर चित्रपटातील आमिरच्या कॅमिओचीही बरीच चर्चा होत आहे. अभिनेता या चित्रपटामध्ये कोणती भूमिका साकारणार हे जाणून घेण्यासाठी चाहते आतुर आहेत.
या गाण्याला ४८ लाख व्ह्यूज मिळाले
या गाण्याला फक्त तीन तासांत दहा लाख व्ह्यूज मिळाले आहेत. आणि २० तासांत ४८ लाख व्ह्यूज ओलांडून हे गाणे वर्षातील सर्वात वेगाने व्हायरल होणाऱ्या दक्षिण भारतीय गाण्यांपैकी एक बनले आहे. या गाण्याची खास गोष्ट म्हणजे त्याची जबरदस्त व्हिज्युअल ट्रीट, अनिरुद्ध रविचंदर आणि टी. राजेंद्र यांची ऊर्जा आणि सँडी मास्टरची उत्कृष्ट नृत्यदिग्दर्शन या गाण्यात दिसत आहे. या गाण्यात रजनीकांतची स्टायलिश एन्ट्री आणि आयकॉनिक डान्स मूव्हज देखील पाहायला मिळतात, जे प्रेक्षकांसाठी एखाद्या ट्रीटपेक्षा कमी नाही आहे.
बिग बॉस फेम ‘हे’ प्रसिद्ध कपल लग्नाच्या ३ वर्षानंतर होणार वेगळे? अभिनेत्रीने केला खुलासा
आमिरच्या एन्ट्रीमुळे हा क्लायमॅक्स ब्लॉकबस्टर होईल
रजनीकांतच्या एका गाण्याने चाहत्यांना आधीच वेड लावले आहे, तर आता आणखी एक मोठी बातमी समोर आली आहे. ‘कुली’ चित्रपटात आमिर खान एक खास कॅमिओ करताना दिसणार आहे. पण हा सामान्य कॅमिओ नाही, तर चित्रपटाच्या क्लायमॅक्समध्ये आमिर आणि रजनीकांत यांच्यात जोरदार टक्कर पाहायला मिळणार आहे. असे सांगितले जात आहे की हा सीक्वेन्स राजस्थानमध्ये शूट करण्यात आला आहे आणि आमिरने यासाठी सुमारे १० दिवस दिले आहेत. हा आमिर खानचा या वर्षातील सर्वात चर्चेत आणि शक्तिशाली कॅमिओ कलाकारांचा चित्रपट मानला जात आहे, ज्यामुळे चित्रपट आणखी भव्य होणार आहे.
सोशल मीडियावर रजनीकांतची जादू पसरली
‘चिकीतू’ प्रदर्शित होताच सोशल मीडियावर चाहत्यांच्या प्रतिक्रिया येऊ लागल्या आहेत. लोक रजनीकांतच्या वयातही त्यांच्या उर्जेचे आणि शैलीचे कौतुक करताना थकत नाही आहेत. एका वापरकर्त्याने लिहिले, ‘७४ व्या वर्षी इतकी ऊर्जा, फक्त रजनीकांतच हे करू शकतात.’ असे लिहून अनेक चाहते त्यांचे कौतुक करत आहेत.
‘Sardaar Ji 3’ च्या वादादरम्यान गुरु रंधावाची क्रिप्टिक पोस्ट चर्चेत, म्हणाला ‘हे सगळं PR साठी…’
त्याच वेळी, दुसऱ्या एका वापरकर्त्याने म्हटले की, ‘प्रत्येक पिढी रजनीकांतला फॉलो करते, तो फक्त एक अभिनेता नाही तर भारतीय चित्रपटसृष्टीचा एक आयकॉन आहे.’ एकूणच, ‘कुली’च्या या नव्या गाण्याने पेटलेली आग बॉक्स ऑफिसवरही दिसणार आहे. हा चित्रपट १४ ऑगस्ट २०२५ रोजी तमिळ, तेलगू आणि हिंदीमध्ये प्रदर्शित होत आहे आणि त्याची टक्कर ‘वॉर २’शी होणार आहे. पण सध्या सोशल मीडियावर रजनीकांतचे स्टारडम अव्वल स्थानावर दिसत आहे. तसेच अभिनेत्याला पुन्हा जबरदस्त भूमिकेत पाहण्यासाठी त्याचे चाहते उत्सुक आहेत.
