रविवार, 15 नोव्हेंबर 2026
(फोटो सौजन्य - इन्स्टाग्राम)
गोमतीच्या आयुष्यात नवी सुरुवात; ‘जय जय स्वामी समर्थ’मध्ये स्वामींच्या कृपेने पुनर्विवाहाचे संकेत
रोहित शेट्टीने गाडीवर पोलिसांचे लावले स्टिकर्स
दिग्दर्शक रोहित शेट्टी पुन्हा एकदा चर्चेत आला आहे. यावेळी, त्याच्या अडचणींमध्ये भर घालणाऱ्या एका वादामुळे तो चर्चेत आहे. मिड-डेच्या वृत्तानुसार, रोहित शेट्टीने त्याच्या किमान दोन खाजगी गाड्यांमध्ये बदल केले होते. दोन्ही स्पोर्ट्स युटिलिटी व्हेइकल्स (SUVs) होत्या. मोटार वाहन कायदा १९८८ च्या कलम १७७ नुसार, या दोन्ही गोष्टी बेकायदेशीर असून त्यासाठी दंड आकारला जातो. पोलीस विभाग आणि कायद्याची अंमलबजावणी करणाऱ्या संस्थांव्यतिरिक्त इतर कोणालाही या गोष्टी वापरण्याची परवानगी नाही. तसेच आता दिग्दर्शकावर असा आरोप आहे की, रोहित शेट्टीने त्याच्या आगामी चित्रपटाच्या चित्रीकरणादरम्यान त्याच्या खाजगी गाड्यांवर बेकायदेशीरपणे पोलिसांचे स्टिकर्स लावले आहेत.
पोलीस अधिकाऱ्याचे निवेदन
एका वरिष्ठ वाहतूक अधिकाऱ्याने मिड-डेला सांगितले की, फक्त अधिकाऱ्यांनाच ‘पोलीस’ स्टिकर्स आणि लाईट्स वापरण्याची परवानगी आहे. तपासाअंती, दोन्ही एसयूव्ही शेट्टीच्या नावावर नोंदणीकृत असल्याची पुष्टी झाली. एका वरिष्ठ आरटीओ अधिकाऱ्याने सांगितले, “मोटार वाहन कायदा १९८८ च्या कलम १७७ नुसार, २०१९ मध्ये सुधारित केल्याप्रमाणे, खाजगी वाहनांवर ‘पोलीस’ स्टिकर्स, लोगो किंवा चिन्हे लावण्यास परवानगी नाही.” परंतु, रोहित शेट्टी किंवा त्यांच्या टीमने अद्याप यावर कोणतीही प्रतिक्रिया दिलेली नाही.
‘आनंदी’मध्ये मोठा ट्विस्ट! सई रानडेची मालिकेमध्ये दमदार एन्ट्री; युगंधरशी रंगणार जबरदस्त संघर्ष
रोहित शेट्टीच्या घरावर हल्ला
३१ जानेवारी रोजी, रोहितच्या जुहू येथील अपार्टमेंटवर अज्ञात बंदूकधाऱ्यांनी हल्ला केला. या गोळीबाराची जबाबदारी लॉरेन्सच्या टोळीतील सदस्यांनी स्वीकारली आहे. त्यानंतर रोहितच्या घरातील सुरक्षा वाढवण्यात आली. एका व्हायरल फेसबुक पोस्टमध्ये, बिश्नोई टोळीच्या एका सदस्याने ३१ जानेवारी रोजी शेट्टी टॉवरवर झालेल्या गोळीबाराची जबाबदारी स्वीकारली. आता रोहित शेट्टी त्याच्या कारवर पोलिसांचे स्टिकर लावल्यामुळे अडचणीत आला आहे.
