Tabu: ‘भूल भुलैया २’ नंतर या हॉरर कॉमेडी चित्रपटात दिसणार तब्बू, पुन्हा साकारणार लक्षवेधी भूमिका!

बॉलिवूड अभिनेत्री तब्बूने सर्व प्रकारच्या चित्रपटांमधून प्रेक्षकांची मने जिंकली आहेत. अभिनेत्रीने कॉमेडी तसेच ॲक्शन चित्रपटांमधून प्रेक्षकांचं खूप मनोरंजन केले आहे, तसेच हॉरर-कॉमेडी चित्रपटामध्ये तिचा जास्त समावेश आहे.

(फोटो सौजन्य - सोशल मीडिया)

Follow Us:

Follow Us:

बॉलिवूड अभिनेत्री तब्बूने अनेक दमदार भूमिका साकारून प्रेक्षकांच्या मनात एक खास स्थान निर्माण केले आहे. रोमान्स, थ्रिलर आणि ॲक्शन व्यतिरिक्त, तब्बूने हॉरर-कॉमेडी चित्रपटांद्वारेही प्रेक्षकांची मने जिंकली आहेत. ‘हवा’, ‘गोलमाल अगेन’, ‘भूल भुलैया २’ नंतर, ‘तब्बू’ आता आणखी एका हॉरर चित्रपटात दिसणार आहे. हा चित्रपट कोणता आहे आपण जाणून घेणार आहोत.

भूत बंगला चित्रपटामध्ये दिसणार अभिनेत्री
तब्बूने अलीकडेच तिच्या इंस्टाग्राम पोस्टद्वारे खुलासा केला की ती दिग्दर्शक प्रियदर्शनच्या आगामी ‘भूत बांगला’ चित्रपटात दिसणार आहे. या चित्रपटाच्या पोस्टसोबत, अभिनेत्रीने क्लॅप बोर्डचा फोटो शेअर केला आणि लिहिले, ‘आम्ही इथे बंद आहोत..’. या चित्रपटात तब्बू व्यतिरिक्त अक्षय कुमार देखील दिसणार आहे. तब्बूचा हा चित्रपट पाहण्यासाठी तुम्हाला २०२६ पर्यंत वाट पहावी लागणार आहे. तसेच या चित्रपटामध्ये अक्षय मुख्य भूमिकेत दिसणार आहे. याशिवाय अनेक कलाकार या चित्रपटामध्ये झळकणार आहेत.

The Greatest Rivalry: ‘द ग्रेटेस्ट राइवलरी इंडिया वर्सेस पाकिस्तान’ माहितीपट या ओटीटीवर होणार प्रदर्शित!

‘भूल भुलैया २’ चित्रपट केला धमाका
२०२२ मध्ये प्रदर्शित झालेल्या ‘भूल भुलैया २’ या चित्रपटात तब्बूने दुहेरी भूमिका साकारली होती. या हॉरर कॉमेडी चित्रपटात तब्बूने मंजुलिका आणि अंजुलिका यांची दुहेरी भूमिका साकारून सर्वांना आश्चर्यचकित केले. या चित्रपटात तब्बू जितकी सुंदर दिसत होती तितकीच तिने मंजुलिकाच्या भूमिकेने सर्वांना घाबरवले होते. हा चित्रपट बॉक्स ऑफिसवर यशस्वी झाला आणि त्यात कार्तिक आर्यन आणि कियारा अडवाणी यांनीही महत्त्वाच्या भूमिका साकारल्या होत्या.

‘गोलमाल अगेन’ चित्रपट
‘गोलमाल अगेन’ मध्ये परिणीती चोप्राने एका आत्म्याची भूमिका साकारली आहे आणि तब्बूमध्ये एक अशी शक्ती आहे ज्याद्वारे ती केवळ भूतांना पाहू शकत नाही तर त्यांच्याशी बोलू शकते. या चित्रपटात भयपटांसोबतच जबरदस्त कॉमेडीही पाहायला मिळाली. या चित्रपटात तब्बू व्यतिरिक्त अजय देवगण, श्रेयस तळपदे, तुषार कपूर आणि अर्शद वारसी यांनी महत्त्वाच्या भूमिका साकारल्या आहेत. २०१७ मध्ये प्रदर्शित झालेल्या या चित्रपटाचे दिग्दर्शन रोहित शेट्टी यांनी केले होते.

Moana: कॉपीराइट्सबाबत डिस्नेवर कोट्यवधी डॉलर्सचा खटला दाखल, जाणून घ्या सविस्तर!

हवा चित्रपट
२००३ मध्ये प्रदर्शित झालेल्या ‘हवा’ या हॉरर चित्रपटात तब्बूने मुख्य भूमिका साकारली होती. हा चित्रपट गुड्डू धनोआ यांनी दिग्दर्शित केला होता. चित्रपटात, घटस्फोटानंतर संजना (तब्बू) तिच्या मुली आणि भावासोबत जंगलातील एका झोपडीत राहते, जिथे तिला तिच्याभोवती असलेल्या आत्म्यांशी सामना करावा लागतो.

Web Title: Tabu horror comedy movies list bhoot bangla bhool bhulaiyaa 2 hawa golmaal again

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com