प्रसिद्ध दिग्दर्शक Vikram Sugumaran यांचे धक्कादायक निधन, वयाच्या ४७ व्या वर्षी घेतला अखेरचा श्वास!

तमिळ दिग्दर्शक विक्रम सुगुमरन यांचे निधन झाले आहे. त्यांच्या मित्रांनी सोशल मीडियावर त्यांच्या अचानक निधनाबद्दल शोक व्यक्त केला आहे. या बातमीने आता चित्रपटसृष्टीत शोककळा पसरली आहे.

तमिळ चित्रपट दिग्दर्शक विक्रम सुगुमारन यांचे चेन्नई येथे हृदयविकाराच्या झटक्याने निधन झाले. एशियनेटच्या वृत्तानुसार, ते मदुराईहून चेन्नईला जात असताना बसमध्ये त्यांची प्रकृती बिघडली आणि त्यांनी अखेरचा श्वास घेतला. त्यांच्या अचानक निधनाने चित्रपटसृष्टीत शोककळा पसरली आणि त्यांच्या मित्रांनी सोशल मीडियावर शोक व्यक्त केला. तसेच त्यांच्या चाहत्यांना देखील या बातमीने चांगलाच धक्का बसला आहे.

मित्रांनी सोशल मीडियावर शोक व्यक्त केला
अभिनेता शांतनूने विक्रम सुगुमारनसोबतचे अनेक फोटो शेअर करून त्यांनी एक्स अकाउंटवर भावनिक संदेश लिहिला, “#RIP प्रिय भाऊ @VikramSugumara3 मी तुमच्याकडून खूप काही शिकलो आहे आणि तुमच्यासोबत घालवलेला प्रत्येक क्षण मी जपून ठेवेन. खूप लवकर गेलात तुम्ही. तुमची खूप आठवण येईल. #RIPVikramSugumaran” असे लिहून त्यांनी मित्रासाठी शोक व्यक्त केला आहे. अभिनेता कायल देवराज यांनीही त्यांच्या निधनाची बातमी ऐकून भावना व्यक्त केल्या आणि लिहिले, “२ जून, मला या बातमीवर विश्वास बसत नाहीये. दिग्दर्शक आणि अभिनेता विक्रम सुगुमरन यांचे मदुराईहून चेन्नईला येत असताना बसमध्ये अचानक हृदयविकाराच्या झटक्याने निधन झाले.”

Housefull 5 च्या इव्हेंटदरम्यान गर्दी नियंत्रणाबाहेर; चाहते लागले रडू, अक्षयने हात जोडून केली विनंती

 

See more

#Rip dearest brother @VikramSugumara3
I’ve learnt so much from you & will always cherish every moment
Gone too soon
You will be missed #RIPVikramSugumaran pic.twitter.com/U78l3olCWI — Shanthnu (@imKBRshanthnu) June 1, 2025

विक्रम सुगुमरन कोण होते?
विक्रम सुगुमरन हे एक तमिळ चित्रपट दिग्दर्शक होते, जे त्यांच्या साध्या आणि सत्य कथांसाठी ओळखले जातात. ते तामिळनाडूच्या रामनाथपुरम जिल्ह्यातील परमकुडी येथील होते. त्यांना लहानपणापासूनच चित्रपटांमध्ये काम करण्याची आवड होती आणि हे स्वप्न पूर्ण करण्यासाठी ते चेन्नईला आले. त्यांनी प्रसिद्ध दिग्दर्शक बाळू महेंद्र यांच्यासोबत काम करून त्यांच्या कारकिर्दीची सुरुवात केली. १९९९ ते २००० दरम्यान त्यांनी अनेक लघुपटांमध्ये सहाय्यक दिग्दर्शक म्हणून काम केले. या काळात त्यांनी ‘जूली गणपती’ सारख्या चित्रपटांमध्येही योगदान दिले. विक्रम यांनी दिग्दर्शक वेत्रिमरण यांच्या ‘पोल्लधवन’ या चित्रपटातून त्यांच्या अभिनय कारकिर्दीची सुरुवात केली. त्यानंतर त्यांनी दिग्दर्शक शशिकुमार यांच्या ‘कोदिवीरन’ या चित्रपटातही काम केले.

Race Across the World मधील स्पर्धकाचे निधन, वयाच्या २४ व्या वर्षी भीषण अपघातात गमावला जीव!

२०१३ मध्ये त्यांनी दिग्दर्शक म्हणून ‘माधा यानाई कुट्टम’ नावाचा चित्रपट बनवला. हा चित्रपट गावाच्या पार्श्वभूमीवर आधारित होता आणि लोकांनी त्याची खरी कहाणी आणि गावाची झलक यांचे कौतुक केले. बऱ्याच वर्षांनी, २०२३ मध्ये, त्यांनी ‘रावण कोट्टम’ नावाचा चित्रपट बनवला. त्यात शांतनु, आनंदी, प्रभू आणि इलावरसू सारखे कलाकार होते. तथापि, चांगली स्टारकास्ट असूनही, चित्रपट बॉक्स ऑफिसवर चांगली कामगिरी करू शकला नाही. त्यांचा शेवटचा चित्रपट ‘थेरम बोरम’ होता, जो डोंगर चढाईसारख्या विषयांवर आधारित होता.