(फोटो सौजन्य- इन्स्टाग्राम)
2025 या वर्षात अनेक अनेक उत्कृष्ट चित्रपट प्रदर्शित झाले आहेत. अनेक चित्रपटांनी बॉक्स ऑफिसवर रेकॉर्ड ब्रेक कमाई केली आहे. या यादीत अ‍ॅक्शन, रोमान्स आणि थ्रिलर चित्रपटांचा समावेश आहे. वर्ष संपत आले तरी, मोठ्या चित्रपटगृहांमध्ये प्रदर्शित होणाऱ्या चित्रपटांची रांग लागली आहे. २ तास, २७ मिनिटांचा हा रोमँटिक चित्रपट नुकताच थिएटरमध्ये प्रदर्शित झाला. या चित्रपटाने पहिल्याच दिवशी बॉक्स ऑफिसवर प्रचंड कमाई केली. या चित्रपटाने 2025 वर्षीच्या सर्वात मोठ्या हिट चित्रपटांमध्ये आपले स्थान पक्के केले. या चित्रपटातील मुख्य अभिनेत्याने त्याच्या मागील चित्रपटाचा विक्रमही मोडला. तो चित्रपट म्हणजे “तेरे इश्क में” या चित्रपटाची क्रिझ सध्या पाहायला मिळत आहे.
धनुष आणि कृती सेनन यांचा “तेरे इश्क में” हा चित्रपट चित्रपटगृहात प्रदर्शित झाला आणि पहिल्याच दिवशी बॉक्स ऑफिसवर त्याने धुमाकूळ घातला. पहिल्याच दिवशी १६.५० कोटी रुपयांची कमाई करणाऱ्या या रोमँटिक चित्रपटाने २०२५ च्या हिट चित्रपटांमध्ये आपले स्थान पक्के केले आहे. प्रदर्शित होण्यापूर्वी, हा चित्रपट आनंद एल. राय यांच्या २०१३ मध्ये आलेल्या “रांझणा” या चित्रपटाचा सिक्वेल म्हणून ओळखला जात होता, जरी या चित्रपटाची कथा “रांझणा” पेक्षा पूर्णपणे वेगळी आहे.
प्रदर्शित होण्यापूर्वीच, या चित्रपटाने प्रेक्षकांमध्ये चांगलीच चर्चा निर्माण केली. केवळ अॅडव्हान्स बुकिंगमुळे निर्मात्यांना ५.६४ कोटी मिळाले, ज्यामुळे या चित्रपटाने रिलीज होण्याआधीच जोरदार कमाई केली. यामुळे प्रेक्षकांची क्रेझ आणखी वाढली. आता, चित्रपट अखेर प्रदर्शित झाल्याने, पहिल्याच दिवशी त्याला जबरदस्त प्रतिसाद मिळाला. धनुषने कमाईच्या बाबतीत त्याच्या स्वतःच्या हिंदी चित्रपट “रांझणा” चा विक्रमही मोडला.
आनंद एल. राय यांच्या २०१३ मध्ये प्रदर्शित झालेल्या “रांझणा” या चित्रपटाने पहिल्या दिवशी ५.१२ कोटी रुपयांची कमाई केली. दरम्यान, “तेरे इश्क में” या चित्रपटाने आधीचअॅडव्हान्स बुकिंगमध्ये इतकी कमाई केली आहे. पहिल्या दिवसाच्या चांगल्या कमाईनंतर, हा चित्रपट आठवड्याच्या शेवटी विक्रम मोडण्यास सज्ज आहे. जर चित्रपटाची कमाई अशीच सुरू राहिली तर “तेरे इश्क में” या वर्षीच्या सर्वात मोठ्या रोमँटिक चित्रपट “सैयारा” चा विक्रमही मोडू शकतो. कृती सॅनन आणि धनुष यांचा “तेरे इश्क में” या वर्षीचा सर्वात मोठा ओपनर चित्रपट राहिला आहे.
.png "Videos"){kind=small}
