(फोटो सौजन्य - इन्स्टाग्राम)
लोकप्रिय टीव्ही अभिनेत्री सुभाषिनी बालासुब्रमण्यमबद्दल धक्कादायक बातमी समोर आली आहे. सुभाषिनी बालासुब्रमण्यमने आत्महत्या केली असल्याचे समोर आले आहे. अभिनेत्रीच्या या धक्कादायक निधनाने मनोरंजन विश्वात खळबळ उडाली आहे. सुभाषिनी बालासुब्रमण्यमने गळफास घेऊन आत्महत्या केल्याचे वृत्त आहे. दरम्यान, पोलीस अभिनेत्रीच्या आत्महत्येप्रकरणी सतत तपास करत आहेत. असे सांगितले जात आहे की, आत्महत्येपूर्वी सुभाषिनी बालासुब्रमण्यम यांचे त्यांच्या पतीसोबत भांडण झाले होते. इतकेच नाही, तर याच महिन्याच्या २१ तारखेला सुभाषिनी बालासुब्रमण्यम यांच्या लग्नाचा दुसरा वाढदिवस देखील होता.
‘माँ का सम’मध्ये Angira Dhar चा भावनिक प्रवास; गणिताच्या भीतीवर मात करत साकारली दमदार भूमिका
सुभाषिनी बालासुब्रमण्यम मूळच्या श्रीलंकेच्या रहिवासी आहेत. अभिनेत्री आधी पती पिपिनसोबत बंगळूरुमध्ये राहत होती, तरी शूटिंगमुळे अभिनेत्री चेन्नईतील पोरूर येथे स्थायिक होती. सुभाषिनी चेन्नईच्या अय्यप्पंथंगल भागातील एका खाजगी अपार्टमेंटमध्ये राहत होत्या. त्यांच्या आत्महत्येचे कारण अद्याप समोर आलेले नाही, परंतु मीडिया रिपोर्ट्सनुसार, सुभाषिनीचे पती पिपिनसोबत भांडण झाले होते. दोघांमध्ये कुटुंबावरून काही वाद होता. रिपोर्ट्सनुसार, अभिनेत्रीने आपल्या पतीशी व्हिडिओ कॉलवर संवाद साधला होता. परंतु कौटुंबिक वादामुळे सुभाषिनी मानसिक तणावाखाली आल्या, त्यानंतर त्यांनी आत्महत्येचे पाऊल उचलले.
मात्र, सुभाषिनी बालासुब्रमण्यमच्या आत्महत्येवर तिच्या पतीने अद्याप कोणतेही निवेदन जारी केलेले नाही. अभिनेत्रीच्या आत्महत्येची बातमी मिळताच पोलीसही घटनास्थळी पोहोचले आणि मृतदेह ताब्यात घेतल्यानंतर त्यांनी तपास सुरू केला. सुभाषिनी सोशल मीडियावर खूप सक्रिय होती. फोटो आणि व्हिडिओ शेअर करून अनेकदा चाहत्यांच्या संपर्कात अभिनेत्री राहत असे. सध्या सुभाषिनी सन टीव्हीच्या ‘कायाल’ या मालिकेत एक महत्त्वाची भूमिका साकारत आहे. सुभाषिनीच्या मृत्यूने तिच्या चाहत्यांना मोठा धक्का बसला आहे. सुभाषिनी बालासुब्रमण्यम श्रीलंकेच्या ‘नेत्रा’ या टीव्ही चॅनलमध्ये निवेदिका म्हणून काम करत होती.
.png "Videos"){kind=small}
