(फोटो सौजन्य - इन्स्टाग्राम)
टी-हूड म्हणून प्रसिद्ध असलेले रॅपर टेविन हूड यांचे गोळीबारात निधन झाले आहे. ते जॉर्जियातील त्यांच्या राहत्या घरी मृतावस्थेत आढळले. त्यांच्यावर प्रथम घरी उपचार करण्यात आले. त्यानंतर त्यांना रुग्णालयात नेण्यात आले. मात्र, डॉक्टरांनी त्यांना मृत घोषित केले. रॅपरच्या निधनाच्या बातमीने सोशल मीडियावर खळबळ उडाली आहे. तसेच पोलिस या सगळ्याप्रकारणाचा शोध घेत आहेत.
पोलिसांनी सुरु केला या प्रकरणाचा शोध
अधिकाऱ्यांचा हवाला देत, टीएमझेडने वृत्त दिले आहे की गोळीबाराच्या संदर्भात एका व्यक्तीला ताब्यात घेण्यात आले आहे आणि पोलिसांनी त्याची चौकशी केली आहे. पोलिस या प्रकरणाचा तपास करत आहेत, तसेच गोळीबाराचे कारण अद्याप समजलेले नाही.
घरी कोणतीही पार्टी चालू नव्हती
टी-हूडची आई युलांडा यांनी पुष्टी केली आहे की तिचा मुलगा ज्या घरात राहत होता तिथेच त्याला गोळ्या घालण्यात आल्या आहेत. त्यांनी सांगितले की जेव्हा टी-हूडवर गोळीबार झाला तेव्हा घरी कोणतीही पार्टी चालू नव्हती. टी-हूड ३३ वर्षांचा होता. रॅपरच्या जाण्याने आता त्याच्या संपूर्ण कुटुंबात शोककळा पसरली आहे. तसेच चाहते देखील त्याला सोशल मीडियाद्वारे श्रद्धांजली वाहत आहेत.
मित्र गमावल्यानंतर टी-हूड अस्वस्थ झाला होता
गेल्या वर्षी डिसेंबरमध्ये टी-हूडने मित्र गमावण्याबद्दल आणि त्याच्या मानसिक आरोग्याबद्दल एक पोस्ट शेअर केली होती. त्याने इन्स्टाग्राम अनेक फोटो शेअर केले होते. त्याने लिहिले होते की, ‘अलीकडे मी इतके मित्र गमावत आहे की मला भीती वाटते. मी मानसिकदृष्ट्या ठीक नाही. तसेच, मी सांगतो की तुमच्या लोकांकडे लक्ष द्या आणि त्यांच्या मनात काय चालले आहे ते विचारा. मी एका आठवड्यात दोन मित्र गमावले.’
शमितासाठी मुलगा शोधतेय मोठी बहीण शिल्पा, कोणत्याही व्यक्तीला विचारते, ‘तुझं लग्न झालंय का?’
टी-हूडची प्रसिद्ध गाणी
टी-हूड ‘रेडी टू गो’ आणि ‘बिग बूटी’ सारख्या गाण्यांसाठी ओळखला जातो. त्याच्या प्रोजेक्ट्समध्ये ‘गर्ल्स इन पार्टी’, ‘यलो जेन’, ‘६ शेड्स ऑफ झेड’ ‘रेड कुश’ ‘नो प्रॉब्लेम’ आणि ‘व्हिस्पर’ यांचा समावेश आहे. रॅपरची सगळी गाणी चाहत्यांना आवडली आहेत आणि त्यांनी त्याला भरभरून प्रेम दिले आहे.
.png "Videos"){kind=small}
