विवाहिता आणि बाहुली यामागील गूढ काय? रहस्यमय ‘जारण’ चित्रपटाचे मोशन पोस्टर प्रदर्शित!

मराठी फिल्म इंडस्ट्रीमध्ये सध्या वेगवेगळ्या धाटणीच्या चित्रपटांची घोषणा केली जात आहे. दररोज अनेक चित्रपटांची घोषणा केली जाते. आता अशातच एका रहस्यमयपटाची घोषणा करण्यात आली आहे.

Jarann Marathi Movie

Follow Us:

Follow Us:

मराठी फिल्म इंडस्ट्रीमध्ये सध्या वेगवेगळ्या धाटणीच्या चित्रपटांची घोषणा केली जात आहे. दररोज अनेक चित्रपटांची घोषणा केली जाते. आता अशातच एका रहस्यमयपटाची घोषणा करण्यात आली आहे. या रहस्यमय चित्रपटाचं नाव ‘जारण’ असं आहे. ‘जारण’चित्रपटाची आज घोषणा करण्यात आली. चित्रपटाचे लेखन आणि दिग्दर्शन हृषिकेश गुप्ते यांनी केले असून अमोल भगत आणि नितीन भालचंद्र कुलकर्णी यांनी निर्मितीची धुरा सांभाळली आहे.

“केदार यांचा हात फ्रॅक्चर झाला होता, तरी सुद्धा…”, मिलिंद गवळींनी शेअर केला ‘झापूक झुपूक’च्या शुटिंग दरम्यानचा किस्सा

ए अँड एन सिनेमाज एलएलपी आणि ए३ इव्हेंट्स अँड मिडिया सर्व्हिस प्रॉडक्शन प्रस्तुत ‘जारण’ चित्रपट येत्या ६ जून २०२५ रोजी प्रेक्षकांच्या भेटीला येणार आहे. नुकतेच या चित्रपटाचे रहस्यमय मोशन पोस्टर सोशल मीडियावर प्रदर्शित झाले आहे. चित्रपटाच्या लेखनाची आणि दिग्दर्शनाची जबाबदारी हृषिकेश गुप्ते यांच्याकडे असून अमोल भगत आणि नितीन भालचंद्र कुलकर्णी यांच्याकडे चित्रपटाच्या निर्मितीची जबाबदारी आहे.

 

View this post on Instagram

 

A post shared by Rajshri Marathi (@rajshrimarathi)

दरम्यान, चित्रपटात कोणकोणते कलाकार झळकणार, हे सुद्धा अजूनही गुलदस्त्यातच आहे. मोशन पोस्टरमध्ये एका विवाहितेच्या हातात बाहुली दिसत असून तिला टाचण्या टोचलेल्या आहेत. सोबतच पार्श्वभूमीला ऐकू येणाऱ्या रोमांचक संगीतामुळे हे मोशन पोस्टर थरारक अनुभवही देत आहे. यावरून हा चित्रपट जादूटोण्यावर आधारित तर नसेल? असा प्रश्न जर प्रेक्षकांना पडला, तर हे जाणून घेण्यासाठी थोडी प्रतीक्षा करावी लागणार आहे.

‘लापता लेडीज’ ‘या’ विदेशी चित्रपटाची कॉपी, किरण राववर कथा चोरल्याचा आरोप

दिग्दर्शक हृषीकेश गुप्ते म्हणतात,” ‘हा एक कौटुंबिक भयपट आहे. करणी, जारण यासारख्या गोष्टींमुळे एका कुटुंबाला सहन करायला लागणाऱ्या यातना हा चित्रपट मांडतो. मानवी भावनांचा आणि दुहेरी आयुष्याचा शोध घेणारा प्रवास आहे. प्रेक्षकांना एक वेगळा भयगूढ अनुभव देण्याचा प्रयत्न आम्ही ‘जारण’मधून केला आहे. आम्हाला खात्री आहे की, आमचा हा चित्रपट रसिकांना नक्की आवडेल.”

निर्माते अमोल भगत म्हणतात, ” ‘जारण’ या चित्रपटाच्च्या निर्मितीमागे एकाच वेळी भय, रहस्य आणि भावनाप्रधानता यांचा मिलाफ प्रेक्षकांसमोर आणण्याचा आमचा प्रयत्न आहे. हृषीकेश यांच्या दिग्दर्शनातून हे कथानक अधिक परिणामकारक बनले आहे. आम्हाला विश्वास आहे की ‘जारण’ मराठी सिनेसृष्टीला आणि प्रेक्षकांना एक वेगळाच अनुभव देईल.”

Web Title: Jarann new marathi movie mystery story motion poster released on social media

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com