१० दिवसाच्या राजकीय नाट्यानंतर राज्याला नवे मुख्यमंत्री मिळाले आहे. गुरुवारी एकनाथ शिंदे (Eknath Shinde) यांनी मुख्यमंत्री, तर देवेंद्र फडणवीस (Devendra Fadnavis) यांनी उपमुख्यमंत्री पदाची नुकतीच शपथ घेतली आहे. या नव्या मंत्र्यांना मनोरंजनसृष्टीतील मंडळीदेखील शुभेच्छा देताना दिसत आहेत. आता बॉलिवूड अभिनेत्री कंगना रनौत (Kangana Ranaut) हिने देखील अनोख्या अंदाजात एकनाथ शिंदे यांना मुख्यमंत्री झाल्याबद्दल शुभेच्छा दिल्या आहे.
कंगनाने इंस्टाग्रामवर एकनाथ शिंदे यांचा फोटो शेअर केला आणि लिहिले की, ‘किती अद्भुत प्रेरणादायी यशोगाथा आहे. उदरनिर्वाहासाठी ऑटोरिक्षा चालवण्यापासून ते देशातील सर्वात शक्तिशाली व्यक्ती बनण्यापर्यंत, सरांचे अभिनंदन!’ असं म्हणत कंगनाने एकनाथ शिंदे यांचं कौतुक केलं आहे. यापुर्वी अभिनेत्री कंगना रनौत अनेकदा उद्धव ठाकरे सरकारवर जोरदार हल्लाबोल केला होती. अनेकवेळा तिने सरकारच्या निर्णयांवर टीकाही केली होती.
.png "Videos"){kind=small}
