Ektnath Shinde: अमरावतीत उद्या राजकीय रणधुमाळी! एकनाथ शिंदेंच्या सभेत कोणता मुद्दा गाजणार?

Ektnath Shinde: अमरावती शिक्षक मतदार संघासाठी महायुतीकडून शिवसेनेने विद्यमान आमदार किरण सरनाईक यांना उमेदवारी दिली आहे. सरनाईक यांच्या प्रचारार्थ उपमुख्यमंत्री शिंदे उद्या अमरावतीत झंझावाती सभा घेणार आहेत.

• एकनाथ शिंदे रविवारी अमरावती दौऱ्यावर
• किरण सरनाईक यांच्यासाठी प्रचार सभा घेणार
• शिंदे काय बोलणार याकडे राज्याचे लक्ष

मुंबई/Eknath Shinde: विधान परिषद निवडणुकीचा प्रचार रंगात आला असून शिवसेनेचे मुख्य नेते व राज्याचे उपमुख्यमंत्री एकनाथ शिंदे हे रविवार १८ ऑक्टोबर रोजी अमरावतीत जाहीर सभा घेणार आहेत. शिक्षक मतदारसंघाचे महायुतीचे अधिकृत उमेदवार किरण सरनाईक यांच्या प्रचारासाठी उपमुख्यमंत्री शिंदे अमरावती दौऱ्यावर येणार आहेत. या सभेत उपमुख्यमंत्री शिंदे काय बोलणार याकडे राज्याचे लक्ष लागले आहे.

अमरावती शिक्षक मतदार संघासाठी महायुतीकडून शिवसेनेने विद्यमान आमदार किरण सरनाईक यांना उमेदवारी दिली आहे. सरनाईक यांच्या प्रचारार्थ उपमुख्यमंत्री शिंदे उद्या अमरावतीत झंझावाती सभा घेणार आहेत. या सभेसाठी सरनाईक यांच्याकडून जोरदार तयारी करण्यात आली आहे.

Eknath Shinde News: धारावी झोपडपट्टी वासियांसाठी एकनाथ शिंदेंचा मोठा निर्णय; ‘त्या’ अपात्रधारकांनाही…

विधान परिषदेच्या पाचही जागांवर महायुतीचेच उमेदवार निवडून येतील, असा विश्वास उपमुख्यमंत्री शिंदे यांनी व्यक्त केला होता. उद्याच्या दौऱ्यात उपमुख्यमंत्री शिंदे अमरावती शिक्षक मतदार संघात प्रचार सभा घेऊन महायुतीचे उमेदवार किरण सरनाईक यांच्या विजयाचा मार्ग सुकर करतील, असा विश्वास पक्षाच्या नेत्यांनी व्यक्त केला आहे. किरण सरनाईक यांनी आमदार म्हणून विधान परिषदेत केलेल्या कामाचा उपमुख्यमंत्री शिंदे उद्याच्या सभेत आढावा घेतील. तसेच शिक्षकांच्या प्रश्नांवर ते भाष्य करतील. या सभेला जिल्ह्यातील शिक्षक मोठ्या संख्येने उपस्थित राहण्याची शक्यता आहे.

राष्ट्रीय प्रवक्ते आनंद दुबे यांचा शिंदेंच्या शिवसेनेत प्रवेश

उबाठा गटाचे राष्ट्रीय प्रवक्ते आनंद दुबे यांनी शुक्रवारी शिवसेनेचे मुख्य नेते व राज्याचे उपमुख्यमंत्री एकनाथ शिंदे यांच्या उपस्थितीत शिवसेनेत प्रवेश केला. ठाण्यात पार पडलेल्या या पक्ष सोहळ्यावेळी शिवसेना सोशल मीडिया राज्यप्रमुख तथा युवासेना सरचिटणीस राहुल कनाल आणि प्रमुख पदाधिकारी उपस्थित होते.

उपमुख्यमंत्री म्हणाले की गेली अनेक वर्ष दुबे यांना शिवसेनेते काम करताना पाहिले आहे. राष्ट्रीय पातळीवर पक्षाची भूमिका मांडणाऱ्या या कार्यकर्त्याने आज मूळ शिवसेनेत प्रवेश केला. आनंद दुबे यांच्यासह गुलाबचंद मौर्य, सुनील चौबे, ब्रीजेश मोर्य, दशरत प्रजापती, प्रवीण दुबे, धनंजय गुप्ता यांच्यासह अनेकांनी आज शिवसेनेचा धनुष्यबाण हाती घेतला.

Shiv Sena: ठाकरेंच्या शिवसेनेला धक्का! राष्ट्रीय प्रवक्ते आनंद दुबे यांचा शिंदेंच्या शिवसेनेत प्रवेश