‘कांतारा: चॅप्टर 1’चित्रपटाने पहिल्या दोन दिवसांत कमावले 125 कोटी, पहिल्याच आठवड्यात 200 कोटींचा टप्पा ओलांडण्याचा अंदाज

'कांतारा: चॅप्टर 1' 2 ऑक्टोबर रोजी प्रदर्शित झाला असून प्रेक्षक चित्रपटाला भरभरून प्रेम देत आहेत, पहिल्याच आठवड्यात हा चित्रपट 200 कोटींच्या घरात पोहोचेल,असा अंदाज वर्तवला जात

राष्ट्रीय पुरस्कार विजेते अभिनेता आणि दिग्दर्शक ऋषभ शेट्टी यांचा बहुप्रतिक्षित चित्रपट ‘कांतारा: चॅप्टर 1’ 2 ऑक्टोबर रोजी प्रदर्शित झाला आणि पहिल्या दोन दिवसांतच त्याने बॉक्स ऑफिसवर तुफान कमाई करत प्रेक्षकांचे लक्ष वेधून घेतले. हा चित्रपट म्हणजे 2022 मध्ये आलेल्या ‘कांतारा’चा प्रीक्वेल असून, यामध्ये ऋषभने आपल्या वैशिष्ट्यपूर्ण शैलीत लोककथा आणि सामाजिक संघर्ष यांचं मिश्रण प्रभावीपणे सादर केलं आहे.

पहिल्या दिवशी काही प्रमाणात संथ सुरुवात असतानाही, ‘कांतारा: चॅप्टर 1’ ने भारतात 61.85 कोटींची नेट कमाई केली, ज्यामध्ये केवळ हिंदी आवृत्तीतून आलेले 18.5 कोटींचा समावेश होता. दुसऱ्या दिवशी, शुक्रवारी, वर्किंग डे असल्याने काहीशी घसरण झाली, पण तरीही चित्रपटाने देशभरात 45 कोटींचा गल्ला जमवला. यासह दोन दिवसांत एकूण नेट कमाई 106.85 कोटींवर पोहोचली असून, चित्रपटाने अवघ्या दोन दिवसांत जवळपास आपले 125 कोटींचे बजेट पूर्ण केले आहे. प्रेक्षक आणि समीक्षकांकडून मिळणाऱ्या प्रचंड सकारात्मक प्रतिसादामुळे विकेंडमध्ये या चित्रपटाची कमाई आणखी वाढण्याची शक्यता असून, पहिल्याच आठवड्यात हा चित्रपट 200 कोटींच्या घरात पोहोचेल, असा अंदाज वर्तवला जात आहे.

प्रेमाची गोष्ट 2 या सिनेमातून हिंदी मालिकेतील अभिनेत्री करणार मोठ्या पडद्यावर एन्ट्री! ललित प्रभाकरचीही असणार साथ…

१९९० च्या दशकावर आधारित “कांतारा” हा चित्रपट २०२२ मध्ये प्रदर्शित झाला. दरम्यान, “कांतारा: चॅप्टर १” ची कथा पहिल्या भागाच्या घटनांपूर्वीच्या एक हजार वर्षांपूर्वी घडते. म्हणूनच, हा “कांतारा” चा प्रीक्वल आहे. २०२३ मध्ये, ऋषभ शेट्टीने जाहीर केले की प्रेक्षकांनी पाहिलेला चित्रपट प्रत्यक्षात भाग २ होता आणि पुढचा चित्रपट “कांतारा” चा प्रीक्वल असणार आहे.

१८ व्या वयात लग्न,दोनदा डिव्होर्स, ‘या’ अभिनेत्रीच्या आयुष्यातील खडतर प्रवास

अभिनेत्याने सांगितले की, “प्रेक्षकांकडून मिळालेल्या प्रचंड प्रेम आणि पाठिंब्याबद्दल आम्ही मनापासून आभारी आहोत. देवाच्या आशीर्वादाने, हा प्रवास सुरू ठेवत आम्ही १०० दिवसांच्या प्रदर्शनाचे यशस्वीरित्या पूर्ण केले आहेत. मी या संधीचा फायदा घेत ‘कंतारा’ चित्रपटाच्या प्रीक्वलची घोषणा करू इच्छितो. तुम्ही जे पाहिले ते भाग २ आहे, आता भाग १ पुढील वर्षी प्रदर्शित होणार आहे.”