ललित प्रभाकरच्या घराला दिलाय ‘हा’ रंग, कल्पनाही करता येणार नाही; कारण वाचून तुम्हालाही पटेल Logic

ललितला त्याच्या घराबाबत एक प्रश्न विचारण्यात आला. तो असा की, तुझ्या घरात एका खोलीला पूर्ण काळा रंग आहे हे खरं आहे का ? त्यावर ललितने खुलासा केला.

• ललित प्रभाकरच्या घराला दिलाय ‘हा’ रंग,
• कल्पनाही करता येणार नाही
• कारण वाचून तुम्हालाही पटेल Logic

मराठी सिनेविश्वातील चॉकलेट बॉय म्हणून ललित प्रभाकरची एक वेगळी ओळख आहे. विविध धाटणीच्या भुमिका करणाऱ्या अभिनेत्यांपैकी एक ललित आहे. आजवर त्याने सिनेमातून ज्या ज्या भुमिका साकारल्या त्यात एकसारखेपणा कधीच आलेला नाही. सिनेमा व्यतिरिक्त ललित कोेणत्या ना कोणत्या कारणाने कायमच चर्चेत असतो. कधी लुक , कधी स्टाईल तर कधी जोडीदाराबाबतच्या विचारांमुळे. ललितचं असं कायम दिलखुलास व्यक्तिमत्व त्याच्या चाहत्यांना फार आवडतं. अशा या अभिनेत्याचा सुपर डुप्पर हा सिनेमा हा विनोदी सिनेमा प्रेक्षकांच्या भेटीस आला आहे. या निमित्ताने त्याला त्याच्या वैयक्तिक आयुष्याबाबत काही प्रश्न विचारण्यात आले.

Video: अभिनेता, कवी आणि आता गायकदेखील; संकर्षण कऱ्हाडेच्या आवाजात नवं गाणं, व्हिडीओवर चाहते फिदा

ललितला त्याच्या घराबाबत एक प्रश्न विचारण्यात आला. तो असा की, तुझ्या घरात एका खोलीला पूर्ण काळा रंग आहे हे खरं आहे का ? त्यावर ललितने खुलासा केला. ललित म्हणाला की, हो हे खरं आहे. माझ्या संपूर्ण घराला काळा रंग नाही पण एक अशी खोली आहे ज्याला मी पूर्ण काळा रंग दिलाय. मित्र म्हणे या पॉडकास्टमध्ये ललितने याचं कारण सांगितलं आहे. याचा एक किस्सा आहे. जेव्हा घरी रंगकाम सुरु होतं तेव्हा पेंटरना सांगितलं की माझ्या एका खोलीला काळा रंग द्यायचा आहे. त्यावर ते पेंटर हसले. ललित पुढे असंही म्हणाला की, मी त्यांना रंग निवडून दिला की हाच काळा रंग हवाय. त्यावर त्या पेंटरनी पुन्हा विचारलं की हा रंग द्यायचा आहे ? त्यावर मी त्यांना म्हटलं की, हाच रंग द्यायचा आहे.

काळा रंगच का ?

काळा रंगच का, याचं उत्तर सांगताना ललित म्हणाला की, असं एक कारण नाही अनेक गोष्टी आहेत. काळा रंग फक्त नजर लागू नये म्हणून नाही तर या रंगात तुमची नजर मरत नाही असं वाटतं मला. इतर वेगवेगळ्या रंगात तुमची नजर मरते पण काळ्या रंगात नाही. लहानपणी उन्हाळ्याच्या सुट्टीत जेव्हा आपण गावी जायचो तेव्हा रात्र झाल्यावर आकाशात पाहायचो. तेव्हा ती नजर लांबपर्यंत जायची. काळ्या रंगामुळे मला माझी खोली छोटी वाटत नाही. मला शांत वाटतं काळ्य़ा रंगाच्या खोलीत. अनेकांना हे खूप वेगळं वाटतं पण हो माझ्या घरातली ही खोली मला शांत राहण्यासाठी मदत करते, असं ललितने सांगितलं.

‘जुळून येती रेशीमगाठी’ मालिकेचा दुसरा भाग येणार ? ललिल प्रभाकर स्पष्टच म्हणाला की, तो काळ….