(फोटो सौजन्य- इन्स्टाग्राम)
स्टेज असो किंवा अल्बम गाणी आपल्या अदाने चाहत्यांना थिरकवणारी गौतमी पाटील सध्या वेगळ्याच कारणामुळे चर्चेत आली आहे. गौतमी पाटीलच्या कारने पुण्यात अपघात केल्याची घटना समोर आली आहे. गौतमीच्या ड्रायव्हरने भल्या पहाटे एका रिक्षाला जोराची धडक दिली. या अपघातात रिक्षाचालकासह ३ जण जखमी झाले आहे. जखमींना रुग्णालयात दाखल करण्यात आले आहे. सुदैवाने यावेळी कारमध्ये गौतमी नव्हती. या घटनेचे फोटो मात्र आता समोर आले आहेत.
अभिनेत्री अलंकृता सहायचे मुंबईत पुनरागमन; अनेक दमदार प्रोजेक्ट्ससह करणार नव्या अध्यायाची सुरूवात
पुण्यात गौतमी पाटीच्या कारने पहाटेच्या सुमारास हा अपघात केला आहे. अपघातााच्या वेळी गौतमी कारमध्ये नव्हती. ड्रायव्हर कार चालवत होता. पुण्यातील मुंबई-बंगळूरू राष्ट्रीय महामार्गावरील वडगाव पुलाजवळ ही घटना घडली आहे. एका हॉटेलसमोर रिक्षाचालक उभा होता. रिक्षामध्ये दोन प्रवासी होते. त्याचवेळी भरधाव वेगात आलेल्या गौतमीच्या गाडीने रिक्षाला जोराची पाठीमागून धडक दिली. ही धडक इतक्या जोरात दिली गेली होती की, रिक्षा काही अंतरापर्यंत पुढे गेली. या अपघातात रिक्षाचे मोठे नुकसान झाले आहे. तसेच ३ जण जखमी झाले आहेत.
या अपघातात रिक्षाचालकासह दोन प्रवासी जखमी झाले आहे. अपघात झाल्यानंतर तातडीने लोक धावून आले. त्यांनी जखमी रिक्षाचालक आणि प्रवाशांना तातडीने जवळच्या रुग्णालयात दाखल केले आणि आता त्यांच्यावर उपचार सुरु आहेत. घटनेची माहिती मिळताच पोलिसांनी घटनास्थळी धाव घेतली. पोलिसांनी गौतमी पाटील हिच्या करा चालकाला ताब्यात घेतले आहे.
अविका गोर आणि मिलिंद चांदवानी लग्नासाठी सज्ज; अभिनेत्रीचा वधूच्या लेहंग्यावरील फोटो आला समोर
चालकाने गौतमी पाटील हिची कार असल्याचं पोलिसांना सांगितले आहे. विशेष म्हणजे, पहाटे पाच वाजेच्या सुमारास ही घटना घडली होती. पण संध्याकाळपर्यंत कुठेही याची वाच्यात झाली नाही. मात्र, सिंहगड पोलिसांनी या प्रकरणी चालकाविरोधात कारवाई केल्यानंतर प्रकरण समोर आल्याचे समजले आहे. आता संपूर्ण प्रकरणी गौतमी पाटीलने अद्यापही कोणतीही माहिती दिलेली नाही.
