ललित प्रभाकर-ऋता दुर्गुळेच्या 'आरपार' चित्रपटाचा भन्नाट ट्रेलर रिलीज
Aarpar Marathi Movie Teaser: मराठी चित्रपटसृष्टीत नेहमीच वेगवेगळे विषयाचे चित्रपट पाहायला मिळतात. त्यातही प्रेक्षकांना मोठ्या पडद्यावर फ्रेश जोडी पाहण्यास आवडते. म्हणूनच हल्लीच्या चित्रपटात खासकरून रोमँटिक चित्रपटात फ्रेश जोडी पाहायला मिळते. अशीच एक नवीन जोडी ‘आरपार’ चित्रपटातून प्रेक्षकांच्या समोर येणार आहे.
नुकतेच आरपार या मराठी चित्रपटाचा (Marathi Movie) टिझर रिलीज झाला आहे. या चित्रपटाच्या माध्यमातून अभिनेता ललित प्रभाकर आणि अभिनेत्री हृता दुर्गुळे ही जोडी पहिल्यांदाच मोठ्या पडद्यावर एकत्र येणार आहे. ही जोडी एकत्र दिसण्याआधीपासूनच या चित्रपटाची जोरदार चर्चा रंगू लागली आहे.
टायगर श्रॉफच्या ‘Baaghi 4’ चा टीझर प्रदर्शित, टायगर श्रॉफ दिसणार अॅक्शन मोडमध्ये
ललित व ऋता ‘आरपार’ या सिनेमातून पहिल्यांदाच रुपेरी पडदा गाजवणार आहेत. रोमँटिक कथा असलेल्या या सिनेमात ललित व ऋता यांचा रोमँटिक अंदाज पाहायला मिळणार आहे. ‘प्रेमात अधलं मधलं काही नसतं’, याचे वर्णन दर्शविणारा हा सिनेमा आहे.
ललित प्रभाकर व हृता दुर्गुळे या दोघांच्याही वाढदिवसाच्या दिवशी म्हणजेच 12 सप्टेंबर रोजी त्यांचा हा पहिल्यांदाच एकत्रित काम केलेला ‘आरपार’ सिनेमा प्रदर्शित होणार आहे. दोन्ही कलाकारांसाठी ही अगदीच आनंदाची बाब आहे. या कलाकारांच्या चाहत्यांसाठी ही पर्वणीच म्हणायला हवी. हृता व ललित यांनी या चित्रपटासाठी पहिल्यांदाच एकत्रित काम केलं आहे. अर्थात ही जोडी एकत्र खूपच सुंदर दिसत असून त्यांचा रोमँटिक अंदाज प्रेक्षकांना नक्कीच भावणार यात काही शंका नाही.
विजय तेंडुलकरांचं ‘सखाराम बाईंडर’ पुन्हा एकदा रंगभूमीवर! सयाजी शिंदे साकारणार मुख्य पात्र
‘आरपार’ या चित्रपटाचा टीझरही प्रेमी युगुलांना संभ्रमात पाडणारा आहे. टीझर पाहून ऋता व ललित यांचा रोमँटिक अंदाज चित्रपटात पाहायला मिळणार की त्यांच्यातील वाद-विवाद आणि दुरावा दिसणार, हे अद्याप स्पष्ट होत नाही आहे. अर्थात हा टीझर ऋता व ललित यांच्यातील प्रेम आणि दुरावा याचे समीकरण असल्याचं पाहायला मिळत आहे. प्रेमात वेड लावायची ताकद असते फक्त पार्टनर चांगला मिळायला हवा हे टीझर पाहून स्पष्ट होतंय. टीझर पाहून अखेर ही जोडी एकमेकांना सोडून तर जाणार नाही ना हा प्रश्न प्रत्येकाच्या मनात निर्माण होतोय.
‘लिऑन्स मीडिया प्रॉडक्शन एलएलपी’ प्रस्तुत, निर्माते नामदेव काटकर, रितेश चौधरी निर्मित ‘आरपार’ हा सिनेमा आहे. या सिनेमाचे दिग्दर्शन, कथा, पटकथा, संवाद या धुरा गौरव पत्की यांनी सांभाळल्या आहेत. प्रेमाची अनोखी परिभाषा मांडणारा हा रोमँटिक सिनेमा हृता व ललित या नव्या जोडीसह 12 सप्टेंबरला सर्वत्र प्रदर्शित होणार आहे.
