(फोटो सौजन्य - इन्स्टाग्राम)
आपण पाठवलेलं पत्र अमेरिकेला पोहोचतं, तर देवाच्या घरी नक्की पोहोचेल असं वाटणाऱ्या एका लहान निरागस मुलीचा देवाच्या घराचा शोध “मुक्काम पोस्ट देवाचं घर” या चित्रपटातून उलगडणार आहे. हृदयस्पर्शी आणि मनोरंजक कथानक असलेल्या हा चित्रपट लवकरच प्रेक्षकांच्या भेटीस येणार आहे. या चित्रपटाचा ट्रेलर देखील नुकताच प्रसिद्ध झाला. याप्रसंगी चित्रपटाचे निर्माते, दिग्दर्शक, कलाकार आवर्जून उपस्थित होते. ३१ जानेवारीला हा चित्रपट सर्वत्र प्रदर्शित झाला.
“लग्नाच्या ४- ५ वर्षांनंतर घटस्फोट झाला आणि…”, Divorce बद्दल पहिल्यांदाच बोलला स्वप्नील जोशी
मराठी चित्रपटसृष्टीसाठी एक अभूतपूर्व पाऊल टाकत, बहुचर्चित चित्रपट “मुक्काम पोस्ट देवाच घर” हा पाच भारतीय भाषांमध्ये डब करून प्रदर्शित झालेला पहिला मराठी चित्रपट ठरला आहे. हिंदी, तमिळ, तेलुगू, मल्याळम आणि कन्नड या पाच भाषांमध्ये हा चित्रपट डब करण्यात आला असून डब केलेला हा पहिला मराठी चित्रपट ठरला आहे. प्राईम व्हिडिओवर आपल्याला या चित्रपटाचा आनंद लुटता येणार आहे. आणि या चित्रपटाची कथा प्रेक्षकांना अनुभवता येणार आहे.
कीमाया प्रॉडक्शन्स निर्मित आणि निर्माते महेश कुमार जायस्वाल आणि कीर्ती जायस्वाल यांनी या चित्रपटाची निर्मिती केली आहे. मराठी भाषेत जेव्हा आम्ही हा चित्रपट प्रदर्शित केला तेव्हा आम्हाला प्रेक्षकांकडून मिळालेले प्रेम, अभिप्राय याचा विचार करून आम्ही हा चित्रपट इतर भाषांमध्ये डब करण्याचा निर्णय घेतला. चित्रपटाची कथा ही कोणत्याही एका विशिष्ठ भाषेतील लोकांची नसून आपल्या सर्वांच्या सभोवताली घडणारी अशी आहे. ही कथा देशभरातील अधिकाधिक लोकांपर्यंत आणि घरांपर्यंत पोहोचणे आवश्यक आहे असे चित्रपटाच्या निर्मात्यांच्या म्हणणे आहे.
निरागसता, उबदारपणा आणि भावनिक खोलीने भरलेले एक मार्मिक कथानक, “मुक्काम पोस्ट देवाच घर” या चित्रपटाने त्याच्या मूळ मराठी स्वरूपात आधीच प्रेक्षकांचे मन जिंकले आहे. आकर्षक कथा, आंतरराष्ट्रीय प्रेक्षकांपर्यंत पोहोचवण्याच्या उद्देशाने जागतिक स्तरावर रिलीजची योजना सुरू असल्याची देखील टीमने सांगितले आहे.
.png "Videos"){kind=small}
