(फोटो सौजन्य - इंस्टाग्राम)
फॅशन, नृत्य आणि अभिनयात कायम चर्चेत असलेली अभिनेत्री संस्कृती बालगुडे ही कायम कमालीच्या आणि तितक्याच आव्हानात्मक भूमिका करताना आजवर दिसली आहे. संस्कृती सध्या एका फिल्म साठी चर्चेत आहे आणि हे कारण देखील तेवढं खास आहे तिच्या करेज या इंग्लिश चित्रपटाची सँटो डोम्निगो यूएसएला फिल्म फेस्टीवल मध्ये निवड झाली असून या चित्रपटाच खास स्क्रिनिंग तिकडे पार पडलं आहे. करेज हा तिचा पहिला वहिला इंग्रजी चित्रपट असून ती या चित्रपटाचं प्रतिनिधित्व करण्यासाठी गेली आहे.
‘निकी-अरबाजचा रोमान्स’, ‘हा यही प्यार है…’ म्हणत निकीची Instagram पोस्ट
संस्कृतीचा हा खास प्रवास नक्की कसा आहे या बद्दल बोलताना संस्कृती म्हणाली की, “एक मराठी मुलगी एवढ्या मोठ्या फिल्म फेस्टीवल मध्ये सहभाग घेते आणि आपल्या भारताच प्रतिनिधित्व करते याचा खूप अभिमान आहे. खूप छान वाटतंय आपल्यावर एक मोठी जवाबदारी आहे याचं थोड प्रेशर देखील आहेच पण हा अनुभव नक्कीच खूप कमालीचा आणि मस्त असणार आहे आणि मी यासाठी उत्सुक आहे. करेज चित्रपट अंकुर काकतकर यांनी दिग्दर्शित केला असून डॉ उदय देवस्कर आणि सुशांत तुंगारे यांनी या खास चित्रपटाची निर्मिती केली आहे. आपण एकदा तरी वुमन ओरिएंटेड चित्रपट करावा ही इच्छा असताना करेज सारखा चित्रपट माझ्या वाट्याला येणं हे भाग्याचं आहे. (कंट्री ऑफ हॉनर) सेक्शन मध्ये आमच्या या फिल्मच स्क्रिनिंग होतंय आणि आम्ही चित्रपटाच प्रतिनिधित्व करणार आहोत”. असे म्हणून अभिनेत्रीने स्वतःचा आनंद व्यक्त केला आहे.
संस्कृतीने आजवर अनेक विषयावर आधारित चित्रपट करून त्यात लक्षवेधी भूमिका साकारल्या आहेत. कायम काय वेगळेपणा असलेल्या भूमिका करू शकतो याकडे तिचा कल असतो हे यातून बघायला मिळतं आहे. संस्कृतीचा हा पहिला वहिला इंग्रजी चित्रपट असला तरी अगदी साता समुद्रापार तिच्या या चित्रपटाला प्रेक्षकांचं प्रेम मिळाला आहे. जगभरात संस्कृतीच्या “करेज” या इंग्रजी चित्रपटाची चर्चा तर आहे पण येणाऱ्या काळात संस्कृती अनेक नवनवीन प्रोजेक्ट्स मध्ये दिसणार आहे हे बघण देखील तितकच उत्कंठावर्धक ठरणार आहे. अभिनेत्रीचे नवनवीन चित्रपट पाहण्यासाठी चाहते खूप उत्सुक आहेत.
.png "Videos"){kind=small}
