साया दाते दिग्दर्शित ‘टँगो मल्हार’चा ट्रेलर लाँच, चित्रपटातून उलगडणार एका रिक्षा चालकाचा प्रेरणादायी प्रवास

'टँगो मल्हार' चित्रपटातून उद्योजिका, शास्त्रज्ञ साया दाते मराठी चित्रपसृष्टीत पदार्पण करत आहेत. या चित्रपटाचा नुकताच ट्रेलर रिलीज झाला आहे. या चित्रपटातून एका रिक्षा चालकाचा प्रेरणादायी प्रवास दाखवला आहे.

• साया दाते दिग्दर्शित ‘टँगो मल्हार’चा ट्रेलर लाँच
• ‘टँगो मल्हार’ चित्रपट कधी होणार प्रदर्शित
• ‘टँगो मल्हार’ चित्रपटाची संपूर्ण स्टारकास्ट

मराठी चित्रपटसृष्टीत नवनवीन चित्रपट पाहायला मिळत आहे. तसेच, प्रेक्षक नेहमीच मराठी चित्रपट पाहण्यासाठी तयार असतात. आता अश्यातच नवाकोरा मराठी चित्रपट प्रेक्षकांच्या भेटीस येत आहे. एका रिक्षा चालकाचा प्रेरणादायी प्रवास सांगणारा ‘टँगो मल्हार’ हा चित्रपट प्रदर्शित होणार आहे. संगणक शास्त्रज्ञ तसेच उद्योजिका असलेल्या साया दाते यांनी आगामी या चित्रपटाची निर्मिती आणि दिग्दर्शन केले आहे. नुकतेच या चित्रपटाचा ट्रेलर लाँच झाला आहे. ज्याला प्रेक्षकांचा चांगला प्रतिसाद मिळत आहे.

अशोकमामा उघडू शकतील का रक्ताच्या नात्यांचे बंद दरवाजे? अशोक मा.मा. मालिकेत नवं वळणं

या अनोख्या नावामुळे आणि अत्यंत लक्षवेधी अशा ट्रेलरमुळे चित्रपटाविषयी प्रचंड उत्सुकता निर्माण झाली आहे. सर्वसामान्य आर्थिक स्थिती असलेल्या मल्हार नावाच्या एका रिक्षाचालकाच्या आयुष्यात टँगो हा अर्जेंटाईन नृत्य प्रकार कसा येतो, त्यानंतर त्याला त्या नृत्य प्रकाराबद्दल काय वाटतं, मल्हारचं आयुष्य यामुळे कसं बदलून जातं या आशयावर हा चित्रपट बेतला आहे. त्याबरोबरच नातेसंबंध, मैत्री, प्रेम अशा भावनांचं चित्रणही मनाला भावतं. चित्रपटाच्या ट्रेलरमधील प्रत्येक फ्रेममधून चित्रपटाविषयीची उत्सुकता वाढली आहे.

अनोखी संकल्पना, दमदार पटकथेसह संगीत, संकलन, छायांकन अशा तांत्रिक आघाड्यांवरही उत्तम काम झाल्याचं या ट्रेलरमधून जाणवतं. अशा संकल्पनांवर जागतिक स्तरावर उत्तमोत्तम चित्रपट झाले आहेत. आता त्याच तोडीचा एक वेगळा प्रयत्न आणि तो ही मराठी चित्रपटसृष्टीत होतो आहे हे नक्कीच लक्षवेधी आणि अभिमानास्पद आहे.

Rise And Fall: ‘इज्जत राखणं हे आपल्या हातात आहे…त्याने मात्र’, धनश्री वर्माने केली युझवेंद्रच्या वागणुकीची पोलखोल

मूळच्या कम्प्युटर इंजिनिअर आणि उद्योजक असलेल्या साया दाते यांनी “टँगो मल्हार” चित्रपटाद्वारे चित्रपटसृष्टीत पहिलच पाऊल दमदारपणे टाकलं आहे. साया दाते, मनीष धर्मानी यांनी चित्रपटाचं लेखन, तर साया दाते यांनीच चित्रपटाचं दिग्दर्शन आणि निर्मितीची जबाबदारी उत्तम रितीने पार पाडली आहे. सुमेध तरडे, ओंकार आठवले यांनी छायांकन, क्षमा पाडळकर यांनी संकलन, तुषार कांगारकर यांनी ध्वनि आरेखन, शार्दूल बापट, उदयन कानडे यांनी संगीत आणि पार्श्वसंगीताची जबाबदारी निभावली आहे. नीतेश कांबळे, कीर्ति विश्वनाथन, सीमा वर्तक, अक्षय गायकवाड, मनीष धर्मानी, मनीषा महालदार, संदेश सूर्यवंशी, पंकज सोनावणे यांच्या चित्रपटात प्रमुख भूमिका पाहायला मिळणार आहेत.