‘पारू’ मालिकेत नवा ट्विस्ट! महासंगमात उलगडणार जुना गुन्हा, सारंग–आदित्य अडकणार अडचणीत

लवकरच आता "पारू" आणि "सावळ्याची जणू सावली" या मालिकेचा महासंगम प्रेक्षकांना पाहायला मिळणार आहे. या मालिकेने प्रेक्षकांचं भरभरून कौतुक केलं आहे. तसेच महासंगमात काही सत्य देखील उलगडणार आहेत.

• ‘पारू’ मालिकेत नवा ट्विस्ट
• सारंग–आदित्य अडकणार अडचणीत
• महासंगमात उलगडणार अनेक सत्य

दोन प्रेक्षकप्रिय मालिका “पारू” आणि “सावळ्याची जणू सावली” पुन्हा एकदा एका विशेष महासंगमासाठी एकत्र येत आहेत. नाट्यपूर्ण घडामोडी, आणि मैत्रीच्या नव्या रंगांनी सजलेला हा ट्रॅक प्रेक्षकांच्या मनाचा ठाव घेणार आहे. या महासंगमात काही जुने रहस्य खुले होणार आहेत, तर काही नात्यांना नवे वळण मिळणार आहे. शिवानीने आखलेला धोकादायक प्लॅन सारंगच्या कुटुंबाला अडचणीत टाकण्यास सुरुवात करतो. छोट्या छोट्या घटनांमधून गोंधळ वाढत जातो आणि नाती धोक्याच्या टोकावर पोहोचतात.

Bigg Boss 19 : अमाल मलिकचा पारा चढला, फरहानाची जेवण्याची प्लेट फोडली! अजून किती सलमान स्पर्धकाची घेणार बाजू?

दरम्यान, तिलोत्तमा आणि चंद्रकांत यांच्या लग्नाच्या वाढदिवसाच्या पार्टीसाठी किर्लोस्कर कुटुंब आणि आदित्य–पारू यांना आमंत्रण दिलं जातं. हा क्षण आनंदाचा असला तरी प्रत्येकाच्या मनात शंका आणि ताण असतो. पार्टी दरम्यान, अहिल्या आणि पारू समोरासमोर येतात. जुन्या गोष्टी आणि भावनिक संघर्ष पुन्हा उफाळून येतात. त्याचवेळी, एक जुनी मर्डर केस पुन्हा बाहेर येणार आहे. त्यात सारंग आणि आदित्य अडकणार आहेत. यात सारंग कोर्टाच्या खटल्यात अडकणार आहेत. कोर्टात अहिल्या विरुद्ध पारू–आदित्य असा संघर्ष उभा राहणार आहे.

तर दुसरीकडे, शिवानी आणि सावली–सारंग यांच्यातील संघर्षही वाढलेला दिसत आहे. सावली आणि पारू एकत्र येऊन या कठीण प्रसंगाला सामोरं जाणार आहेत. केस अधिक गुंतागुंतीची होत असताना वकील म्हणून कालिंदीची दमदार एन्ट्री होणार आहे. कालिंदीच्या हुशारीमुळे सारंगची केस एका रोमांचक वळणावर येणार आहे. लक्ष्मीपूजनाच्या दिवशी सारंग – सावलीच्या घरात आनंदाने गृहप्रवेश होणार आहे.

येत्या दिवाळीत सिनेमागृहात धमाका! ‘प्रेमाची गोष्ट २’ चित्रपटाचा होतोय गाजावाजा, ‘या’ बॉलीवूड अभिनेत्यानेही दिल्या शुभेच्छा

कालिंदीच्या हुशारीमुळे सारंगची केस एका रोमांचक वळणावर येणार आहे. लक्ष्मीपूजनाच्या दिवशी सारंग – सावलीच्या घरात आनंदाने गृहप्रवेश होणार आहे. तर आदित्यचा मर्डर केसमध्ये काही संबंध नाही आहे त्याचा त्याला काही त्रास होणार नाही”, असं समोर आलेल्या प्रोमोमध्ये अहिल्यादेवी फोनवरुन बोलताना दिसत आहेत. यामुळे अहिल्यादेवी आदित्य-पारूचा स्वीकार करणार का?, याचे संकेत मिळत आहेत. मालिकेत पुढे कोणते ट्विस्ट येणार हे पाहणं रंजक ठरणार आहे. महासंगम विशेष भाग ‘सावळ्याची जणू सावली’ आणि ‘पारू’ संध्या ६:३० वाजता प्रेक्षकांना झी मराठीवर पाहायला मिळणार आहे.