‘वल्लरी’ आणि ‘पिंगा गर्ल्स’ना ‘अशोक मा.मा.’ देणार मदतीचा हात, मालिकेला मिळणार वेगळं वळण

कलर्स मराठीवर येत्या रविवारी आपल्या दोन लाडक्या मालिका म्हणजेच 'अशोक मा.मा' आणि 'पिंगा ग पोरी पिंगा' या मालिकांचा दोन तासांचा विशेष भाग बघायला मिळणार आहे.

Pinga Ga Pori Pinga And Ashok MaMa Serial Marathi Serial Mahasangam

Follow Us:

Follow Us:

कलर्स मराठीवर येत्या रविवारी आपल्या दोन लाडक्या मालिका म्हणजेच अशोक मा.मा आणि पिंगा ग पोरी पिंगा या मालिकांचा दोन तासांचा विशेष भाग बघायला मिळणार आहे. पिंगा गं पोरी पिंगा या मालिकेत पिंगा गर्ल्सच्या आयुष्यात नेहेमीच काही ना काही नाट्यमय घडत असते, आणि यावेळीही त्याला अपवाद नाही. श्वेता आणि वल्लरीचा अचानक खूप मोठा अपघात होणार असून वल्लरीचा जीव धोक्यात असताना अशोक मामा तिच्या मदतीला धावून येणार आहेत.

अशोक मा.मा. मालिकेत पिंगा गर्ल्स आणि मामांचा परिवार मिळून त्यांचा वाढदिवस मोठ्या उत्साहात साजरा करताना दिसणार आहेत. पण, अचानक घडलेल्या एका घटनेमुळे संपूर्ण कुटुंबाला मोठा धक्का बसतो. आता नक्की काय घडतं? मामा वल्लरीचा जीव कसा वाचवणार ? हे नक्की बघा अशोक मा. मा. आणि पिंगा गं पोरी पिंगा, या मालिकेच्या महासंगम विशेष भागामध्ये. २४ मार्चला. कारण या मालिकांचा रंगणार आहे दोन तासांचा विशेष भाग संध्या. 7 वा. फक्त कलर्स मराठीवर.

Sairat Re- Re-released: ९ वर्षांनी ‘सैराट’ प्रेक्षकांच्या भेटीला; परश्या म्हणाला, “‘सैराट’मुळे आमच्या आयुष्याला…”

अशोक मा.मा. मालिकेत मामांचा वाढदिवस हा त्यांच्या सगळ्या लाडक्या मुलांसाठी आनंदाचा दिवस आहे. नेहमीप्रमाणे सकाळी त्यांनी फास्टिंग शुगर चेक केली आणि हॉस्पिटलमध्ये पोहोचले. तिथेच त्यांची भेट होणार आहे श्वेता आणि वल्लरीशी पण ही भेट आनंदाची नव्हे,तर चिंतेची ठरते. वल्लरी गंभीर जखमी अवस्थेत रक्तबंबाळ आहे, आणि डॉक्टर तिला ऍडमिट करण्यास नकार देतात. मात्र, मामा पुढाकार घेत डॉक्टरांना समजावताना दिसणार आहेत. दरम्यान, मुलांना कळतं की मामांचा वाढदिवस आहे आणि त्याचवेळी पोलिस श्वेताची चौकशी सुरू करतात. मामा परिस्थिती हाताळून सांगतात की ते तिचे नातेवाईक आहेत. प्रेरणाला समजतं की वल्लरीला अपघात झाला आहे आणि सगळे अस्वस्थ होतात.

 

View this post on Instagram

 

A post shared by Colors Marathi (@colorsmarathi)

दिग्दर्शक सचिन गोस्वामी आणि लेखक सचिन मोटेंची जोडी पुन्हा एकत्र, लवकरच प्रदर्शित होणार ‘गुलकंद’ चित्रपट

मामा घरी परततात. सगळ्या घरात आनंदाचं वातावरण आहे. प्रेरणा,तेजा,मिठ्ठु,श्वेता,मनोज आणि सगळे कुटुंबीय मिळून त्यांचं ६५ दिव्यांनी औक्षण करतात. हे पाहून भैरवीचे डोळे पाणावतात. मामांच्या डोळ्यांत समाधान झळकतं. त्यांच्या आयुष्यातील हा अनोखा क्षण पाहून घरच्यांच्या चेहऱ्यावरही समाधान दिसतं. या साऱ्या घटनांमुळे मामांच्या आणि त्यांच्या कुटुंबासाठी हा दिवस आयुष्यभर लक्षात राहणारा ठरतो. आता या सगळ्या घडामोडींमुळे मामांच्या आणि भैरवीच्या नात्यात काही नवीन वळण येणार का? पिंगा गर्ल्सच्या आयुष्यात पुढे काय होणार ? हे पाहणं उत्सुकतेचं ठरणार आहे.

Housefull 5: जॉन अब्राहमने का नाकारला ‘हाऊसफुल ५’? अभिनेत्याने कारण केले उघड!

Web Title: Pinga ga pori pinga ashok mama colours marathi serial track know all details in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com