लॉस एंजेलिसच्या अग्नितांडवात अडकली अभिनेत्री प्रीती झिंटा; पोस्ट शेअर करत सांगितला धक्कादायक अनुभव

प्रीती झिंटा हिने एक्सवर (ट्वीटर) पोस्ट शेअर करत लॉस एंजेलिसमध्ये जंगलाला लागलेल्या विनाशकारी आगीच्या पार्श्वभूमीवर तिच्या भावना व्यक्त केल्या आहेत.

लॉस एंजेलिसच्या अग्नितांडवात अडकली अभिनेत्री प्रीति झंटा; पोस्ट शेअर करत सांगितला धक्कादायक अनुभव

Follow Us:

Follow Us:

लॉस एंजेलिस काउंटीमधील जंगलातील आगीमुळे आतापर्यंत बरेच नुकसान झाले आहे. या आगीमध्ये अनेक सेलिब्रिटींचेही घरं जळून खाक झाली आहेत. अशातच बॉलिवूड अभिनेत्री प्रीती झिंटा हिने एक्सवर (ट्वीटर) पोस्ट शेअर करत लॉस एंजेलिसमध्ये जंगलाला लागलेल्या विनाशकारी आगीच्या पार्श्वभूमीवर तिच्या भावना व्यक्त केल्या आहेत. मुळची भारतीय असलेली प्रीती झिंटा लग्न झाल्यापासून अमेरिकेत राहत आहे. तिने लॉस एंजेलिसमध्ये स्थायिक असलेल्या आर्थिक विश्लेषक जीन गुडएनफबरोबर लग्नगाठ बांधली आहे.

Akaay Kohli Photo Viral : विराट-अनुष्काच्या लेकाची पहिली झलक? अकाय कोहलीचा फोटो व्हायरल

एक्स (ट्वीटर)वर पोस्ट शेअर करत बॉलिवूड अभिनेत्री प्रीती झिंटा म्हणते, “इतका भयानक दिवस पाहिल, असं मला केव्हाच वाटलं नव्हतं. एका आगीने माझ्या घराच्या आजूबाजूला असलेला अनेक परिसर नष्ट केलेला आहे. सध्या तरी मी आणि माझे कुटुंबीय सुरक्षित आहोत. माझ्या मित्रांना आणि जवळच्या आप्तेष्टीयांना या आगीच्या झळीतून बाहेर काढण्यात आले आहे. त्यांना सतर्क राहण्यास सांगितलेय. धुरकट आकाशातून बर्फासारखी राख खाली पडतेय. वाऱ्याचा जोर कमी झालेला नाही, काय होईल आणि काय नाही याची मनात भीती आणि धास्ती आहे. लहान मुलं आणि वयोवृद्धांसह आम्ही सगळेच लोकं या परिस्थितीचा सामना करत आहोत.”

I never thought I would live to see a day where fires would ravage neighbourhoods around us in La, friends & families either evacuated or put on high alert, ash descending from smoggy skies like snow & fear & uncertainty about what will happen if the wind does not calm down with…

— Preity G Zinta (@realpreityzinta) January 11, 2025

तिने पुढे लिहिले, “आमच्या सभोवताली सुरु असलेला विध्वंस पाहून मी निराश झाले आहे, पण मी देवाचे आभार मानतेय की, आम्ही सध्या तरी सुरक्षित आहोत. ज्यांनी या आगीत आपलं सर्वस्व गमावलं आहे, त्यांच्यासाठी माझ्या प्रार्थना आहेत. लवकरच वारा शांत होईल आणि आग विझवली जाईल, अशी आशा आहे. अग्निशामक विभाग, अग्निशामक कर्मचारी आणि आगीत अडकलेल्या अनेकांचे जीव वाचवण्यासाठी मेहनत करणाऱ्या प्रत्येकाचे मनःपूर्वक आभार. सर्वांनी काळजी घ्या.”

ग्लॅमरस मीरा जगन्नाथसोबत श्रीकांत यादव करणार रोमान्स, ‘इलू इलू’ चित्रपटातील रोमँटिक अंदाज चर्चेत

९ जानेवारीला प्रियंका चोप्रानेही इन्स्टाग्रामवर पोस्ट शेअर करत लॉस एंजेलिस येथील जंगलात लागलेल्या आगीमध्ये अडकलेल्या लोकांना वाचवण्याचे काम करणाऱ्या धाडसी बचाव पथकांचे आभार मानले होती. अभिनेत्री इन्स्टा स्टोरीमध्ये म्हणाली होती की, “रात्रभर काम करणाऱ्या आणि पीडितांना मदत करणाऱ्या धाडसी बचाव पथकांना सलाम. तुमच्या अथक प्रयत्नांसाठी मनःपूर्वक धन्यवाद…” प्रियंकाने यापूर्वी लॉस एंजेलिसमधील जंगलातल्या आगीचे दृश्य दाखवणारा व्हिडीओही सोशल मीडियावर शेअर केला होता. त्याच आगीमुळे अभिनेत्री नोरा फतेहीला ९ जानेवारी २०२४ रोजी कॅलिफोर्निया सोडावे लागले होते.

“साताऱ्याची माणसं “THAR” वेडी”; आधी घर, आता नवी कार! हास्यजत्रा फेम अभिनेत्याने घेतली आलिशान कार

Web Title: Preity zinta los angeles wildfire dead toll we are safe gene good enough

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com