‘लाखात एक आमचा दादा’नंतर निर्माती श्वेता शिंदेची येतेय आणखी एक नवीन मालिका; कधी आणि कुठे ? जाणून घ्या

सध्या वेबसीरीज, वेब शो आणि वेब फिल्मची मोठ्या प्रमाणावर क्रेझ असतानाही प्रेक्षकांमध्ये मालिका पाहण्याचा कल सर्वाधिक आहे. वेब दुनियेत अनेक डेलिसोप सिरीयल्स रिलीज होतात. आता अशातच आणखी एक मालिका प्रेक्षकांच्या भेटीला येतेय

सध्या वेबसीरीज, वेब शो आणि वेब फिल्मची मोठ्या प्रमाणावर क्रेझ असतानाही प्रेक्षकांमध्ये मालिका पाहण्याचा कल सर्वाधिक आहे. सध्याच्या ह्या वेब दुनियेत अनेक डेलिसोप सिरीयल्स रिलीज होत असतात. आता अशातच आणखी एक मालिका प्रेक्षकांच्या भेटीला येणार आहे. येत्या २१ एप्रिलपासून ‘सन मराठी’वर दररोज सायं. ७ वाजता ‘हुकुमाची राणी ही’ मालिका प्रेक्षकांच्या भेटीला येणार आहे.

बॉबी देओलने खरेदी केली अलिशान Range Rover SUV, किंमत ऐकून चक्रावून जाल

‘हुकुमाची राणी ही’ या मालिकेत मुख्य भूमिकेत असणाऱ्या जोडीची लव्हस्टोरी ही फॅक्टरी मधूनच सुरु होणार आहे. मालिकेचं शूटिंगही सातारमधल्या एका खऱ्या फॅक्टरीमध्ये होत आहे. यावेळी पत्रकारांसोबत मालिकेतल्या कलाकारांनीही फॅक्टरीची सफर केली. यावेळी सफर दरम्यान, पत्रकारांना कामगारांची वेशभूषा देऊन कामगारांचा दिवस नक्की कसा असतो, याचा अनुभव देण्यात आला. बरेचदा मालिकांमध्ये ऑफिस, फॅक्टरी या ठिकाणांसाठी सेट उभारला जातो. पण या मालिकेचं शूटिंग साताऱ्यामधील खऱ्या फॅक्टरी मध्ये पार पडणार आहे. त्यामुळे, मालिकेच्या शुटिंग दरम्यान कलाकारांसाठी एक मोठ्या शिताफीने शुटिंग करावी लागणार आहे.

 

See more

निर्माती आणि अभिनेत्री श्वेता शिंदे मालिकेबद्दल म्हणाली की, “मालिकाविश्वात पहिल्यांदाच खऱ्या फॅक्टरी मध्ये ‘हुकुमाची राणी ही’ मालिकेचं शूटिंग सुरू केलं आहे. हे मोठं पाऊल आम्ही उचललं आहे. याचसह इंद्रजीत व राणीची नवी गोष्ट प्रेक्षकांच्या मनावर अधिराज्य गाजवायला सज्ज झाली आहे. या मालिकेसाठी प्रेरणास्थान म्हणायला गेलं तर माझ्या आईची फॅक्टरी आहे. महाडिक इंडस्ट्री मध्ये जशी राणी आहे अगदी तशीच राणी आमच्या फॅक्टरी मध्ये पण होती. आणि त्या राणीला पाहूनच ही गोष्ट सुचली. या मालिकेतून प्रेक्षकांचं मनोरंजन तर होईलच पण माणुसकी जपण्याचा सल्ला मिळणार आहे. प्रेक्षकांनी मालिकेच्या प्रोमोवर जसा प्रेमाचा वर्षाव केला अगदी तसेच मालिकेवरही प्रेक्षक भरभरून प्रेम करतील अशी खात्री आहे.”

प्रसिद्ध टिव्ही अभिनेत्री झाली आई, दिला गोंडस बाळाला जन्म; जपानी भाषेत ठेवलं नाव

मालिकेत अभिनेत्री वैभवी चव्हाण ही राणीची भूमिका तर इंद्रजीतची भूमिका अक्षय पाटील साकारणार आहे. या दोघांबरोबरच अभिनेत्री अंकिता पनवेलकर,अभिनेते राहुल मेहंदळेंसह आणखी बरेच दिग्गज कलाकारही मालिकेत महत्वाच्या भूमिका साकारताना दिसणार आहेत. मालिकेत राहुल मेहंदळे हे जयसिंगराव महाडिक या महत्त्वपूर्ण भूमिकेत पाहायला मिळणार आहे. महाडिक इंडस्ट्रीचे सर्वेसर्वा जयसिंगराव महाडिक सेवानिवृत्त झाल्यानंतर महाडिक इंडस्ट्रीचा कारभार त्यांच्या मुलाकडे सुपूर्त करतात. जयसिंगराव असा निर्णय घेतात ज्यामुळे राणीचा महाडिक इंडस्ट्रीमध्ये प्रवेश होतो. आता माणुसकी जपणारी राणी व माणुसकी पेक्षा पैशाला महत्त्व देणारा इंद्रजीत समोरासमोर येणार तेव्हा नक्की काय होणार? हे पाहणं रंजक ठरणार आहे.