सोमवार, 19 ऑक्टोबर 2026
अक्षय्य तृतीया हा हिंदू पंचांगानुसार साडेतीन मुहूर्तांपैकी एक मुहूर्त आहे. यादिवशी मोठ्या प्रमाणात लग्न होतात आणि सोन्याची खरेदी केली जाते. यावर्षी १९ एप्रिल रोजी अक्षय्य तृतीया आहे आणि रविवारी १०० वर्षांनी खास गजकेसरी अक्षय्य योग जुळून आला असल्याचे ज्योतिषाचार्य समीर मणेरीकर यांनी सांगितले आहे. या योगामुळे ३ राशीच्या व्यक्तींना खूप फायदा मिळणार असून त्यांचे भाग्य उजळणार आहे. कोणत्या आहेत या राशी जाणून घ्या (फोटो सौजन्य - Pinterest/iStock)
या वर्षी अक्षय तृतीयेला चंद्र आणि सूर्य दोन्ही उच्च राशीत असतील. यामुळे या दिवसाचे महत्त्व शंभर पटींनी वाढते
याशिवाय १९ एप्रिल, २०२६ रोजी रविवारी आलेल्या या अक्षय्य तृतीयेला गजकेसरी योग, मालव्य योग आणि अक्षय्य योग तयार होत आहेत. याला ज्योतिषशास्त्रात अनन्यसाधारण महत्त्व आहे
अक्षय्य तृतीयेची ही शुभ वेळ मेष राशीच्या लोकांसाठी उत्तम संधी घेऊन येत आहे. गजकेसरी योगाचा शुभ प्रभाव करिअरमध्ये प्रगतीच्या संधी निर्माण करत असून, नवीन नोकरी मिळण्याची शक्यताही प्रबळ आहे. तुमच्या मेहनतीचे फळ मिळेल आणि तुमचे वरिष्ठ प्रभावित होतील. व्यावसायिकांना नवीन ग्राहक मिळतील, ज्यामुळे नफ्यात वाढ होईल
वृषभ राशीसाठी उत्पन्नाचे नवीन स्रोत खुले होऊ शकतात. अक्षय योगाच्या शुभ प्रभावामुळे आर्थिक अडचणी हळूहळू कमी होतील. तुमच्या कामाचे कौतुक होईल आणि तुम्हाला वरिष्ठांकडून पाठिंबा मिळेल. पगारवाढ होण्याची शक्यता आहे
अक्षय्य तृतीया तूळ राशीच्या लोकांसाठी अत्यंत शुभ संकेत घेऊन येत आहे. घर किंवा मालमत्ता खरेदी करण्याची योजना यशस्वी होऊ शकते. लोक तुमच्या बोलण्याचे कौतुक करतील, ज्यामुळे तुमची सामाजिक प्रतिमा उंचावेल. तुमच्या व्यवसायात प्रचंड वाढ होईल
धनु राशीच्या व्यक्तींसाठी अक्षय्य तृतीया स्वप्नपूर्तीची ठरू शकते. घर खरेदी करण्याची इच्छा पूर्ण होण्याची शक्यता आहे. कला आणि सृजनशील क्षेत्रातील व्यक्तींना मोठी प्रशंसा आणि आर्थिक लाभ मिळेल. पदोन्नती आणि पगारवाढ होण्याचीही शक्यता आहे
