फुलांच्या सुगंधांपासून अत्तर किंवा परफ्युम बनवले जातात. देवदेवतांना आशीर्वाद मिळावा म्हणून फुलं वाहिली जातात. घराच्या सजावटीसाठी देखील फुलांचा वापर केला जातो. अशी ही फुलं केवळ सुंदरतेसाठीच नाही तर आरोग्यवर्धक देखील आहेत. कसं ते जाणून घ्या.
गुलाब : त्वचेचा दाह होत असल्यास गुलाबपाणी फायदेशीर आहे. जर तुम्हाला पित्त वाढलं असल्यास गुलकंद खाल्याने फरक पडतो.
पारिजात़:सांधेदुखी किंवा सर्दी-खोकल्यावर पारिजात़ाची फुलं रामबाण उपाय आहेत. या फुलांचा चहा प्यायल्याने प्रतिकारकशक्ती वाढते.
कमळ : मानसिक ताण असल्यास किंवा त्वचा रोग झाल्यास कमळाच्या फुलांचा काढा उपयुक्त आहे. यानेमानसिक शांतता आणि पचनशक्ती सुधारते.
शेवंती: डोळ्यांसाठी फायदेशीर आणि थकवा कमी करतो, शांत झोप लागते.त्यामुळे शेवंतीच्या फुलांचा काढा नक्की प्या.
जास्वंद : केसगळतीवर जास्वंदाचं फुल फायदेशीर आहे. जास्वंदाच्या फुलाचं तेल केस गळती कमी करतं. जास्वंदीच्या फुलांना काढा रक्तदाब नियंत्रणात ठेवतो.
