बुधवार, 4 नोव्हेंबर 2026
Induction Cooktop Tips: सध्या जेवण बनवण्याच्या पद्धतीत मोठ्या प्रमाणात बदल होत असल्याचे पाहायला मिळत आहे. आता लोकं गॅस-सिलेंडरसोबतच इंडक्शन कुकटॉपचा देखील मोठ्या प्रमाणात वापर करत आहेत. विशेषत: छोट्या कुटूंबांसाठी इंडक्शन कुकटॉप एक चांगला पर्याय मानला जातो. इंडक्शन कुकटॉपचा वापर करणं जितकं सोपं आहे, त्याची काळजी घेणं देखील तितकंच गरजेचं आहे. इंडक्शन कुकटॉप पूर्णपणे वीज आणि मॅग्नेटिक टेक्नोलॉजीवर काम करते. त्यामुळे इंडक्शन कुकटॉप सामान्य गॅसप्रमाणे कठोर पद्धतीने वापरले जाऊ शकत नाही. इंडक्शनचा वापर करताना कोणत्या गोष्टी लक्षात ठेवाव्या जाणून घेऊया. (फोटो सौजन्य: Pinterest)
Tech Tips: इंडक्शनवर स्वयंपाक करताय? या चुका टाळा... अन्यथा होऊ शकते नुकसान
इंडक्शन कुकटॉपवर जेवण बनवताना योग्य भांड्यांचा वापर करणं गरजेचं आहे. इंडक्शन कुकटॉपवर केवळ अशाच भांड्यांचा वापर करा ज्यांचे तळ सपाट असेल आणि जी भांडी स्टीलसारख्या चुंबकीय धातूंपासून बनवलेली असतील.
अनेकदा लोकं इंडक्शन चालू करतात आणि नंतर त्यावर भांडे ठेऊन तेल किंवा पाणी ओतण्यासाठी वाट बघतात. मात्र लक्षात ठेवा की, इंडक्शन पूर्णपणे वीज आणि मॅग्नेटिक टेक्नोलॉजीवर काम करते, ज्यामुळे भांडे काही वेळातच खूप जास्त गरम होते. यामुळे नॉन-स्टिक भांडी खराब होऊ शकतात.
इंडक्शनचा वापर करताना आधी भांड्यात पाणी, दूध किंवा तेल ओतून घ्या. त्यानंतर भांडे इंडक्शनवर ठेवा आणि नंतर इंडक्शन चालू करा. ओली भांडी इंडक्शनवर ठेऊ नका.
इंडक्शनचा वापर त्याखाली वर्तमानपत्र, कापड किंवा प्लॅस्टिक मॅट ठेऊ नका. असे केल्यास इंडक्शनचे एयर वेंट बंद होऊ शकते आणि गरम हवा बाहेर जाऊ शकत नाही.
इंडक्शन स्वच्छ आणि सपाट जागी ठेवा. भिंतीपासून किमान 4 इंच अंतरावर ठेवा. जेवण बनवून झाल्यानंतर इंडक्शनच्या गरम काचेवर थेट ओला कपडा ठेऊ नका, यामुळे काचेचे नुकसान होऊ शकते.
जेवण बनवून झाल्यानंतर इंडक्शन थेट मुख्य बोर्डमधून बंद न करता टच पॅनलमधून ऑफ करा आणि त्यानंतर मुख्य बोर्डमधून बंद करा.
