मंगळवार, 3 नोव्हेंबर 2026
Diwali Rangoli Designs: सणावारांच्या दिवसांमध्ये अंगणाची शोभा वाढवण्यासाठी दारात रांगोळी काढली जाते. रांगोळी काढल्याशिवाय सणवार पूर्ण झाल्यासारखे अजिबात वाटत नाही. भारतीय संस्कृतीमध्ये रांगोळी काढण्याची परंपरा पूर्वीपासून चालत आली आहे. कोणत्याही शुभ कार्याच्या दिवशी अंगणात किंवा पाटाच्या खाली सुंदर रांगोळी काढली जाते. देशभरात सगळीकडे दिवाळी सणाचा मोठा उत्साह आहे. कंदील, दिव्यांसोबतच रांगोळीची सुद्धा खरेदी केली जाते. त्यामुळे दिवाळीनिमित्त अंगणाची शोभा वाढवण्यासाठी या डिझाईनची रांगोळी नक्कीच काढू शकता.(फोटो सौजन्य – pinterest)
Diwali Rangoli Designs: दिव्यांच्या प्रकाशात अंगण दिसेल उठावदार! कमी वेळात काढा 'या' सुंदर रांगोळी
सणावारांच्या दिवसांमध्ये घरात पूजेसाठी फुले आणली जातात. पूजा करून शिल्लक राहिलेली फुले फेकून देण्याऐवजी फुलांपासून सुंदर सुंदर रांगोळी काढल्यास अंगण उठावदार दिसेल. फुलांची रांगोळी काढण्यासाठी जास्त वेळ लागत नाही.
दिवाळीच्या दिवसांमध्ये माता लक्ष्मी घरात येते, त्यामुळे अंगणात रांगोळी काढावी. मोराची आकृती, कलश, लक्ष्मीची पाऊले, दिवे आणि कमळाची फुले रांगोळीमध्ये काढणे अतिशय शुभ मानले जाते.
पूर्वीच्या काळापासून ते आतापर्यंत दिवाळीच्या दिवसांमध्ये अंगणात ठिरक्यांची रांगोळी काढली जाते. ठिपक्यांच्या रांगोळीशिवाय दिवाळी सण वाटत नाही.
हल्ली कमळाच्या डिझानचा मोठा ट्रेंड सगळीकडे व्हायरल होत आहे. त्यामुळे या डिझाईनची रांंगोळी तुम्ही अंगणात काढू शकता. ही रांगोळी काढण्यासाठी जास्त वेळ लागत नाही.
सोशल मिडीयासह इतर अनेक ठिकाणी रांगोळीच्या विविध डिझाईन उपल्बध आहेत. लेटेस्ट डिझाईनची रांगोळी काढल्यानंतर अंगण आर्कषक दिसेल.
