मंगळवार, 3 नोव्हेंबर 2026
Viral News: (फोटो सौजन्य- सोशलमीडिया)
आंध्र प्रदेशातील एका छोट्याशा गावात घडलेली ही गोष्ट वाचून डोळ्यात पाणी येईल. आपण शहरात राहतो, थोडं दुखलं तरी लगेच गाडी बोलावतो. पण विजयनगरम जिल्ह्यातील एका आदिवासी पाड्यावर रस्ताच नाही, मग अ‍ॅम्ब्युलन्स येणार कुठून? Viral News:
पल्लापु डुंगडा नावाचं एक छोटं आदिवासी गाव आहे. श्रुंगवरपुकोटा भागात हे गाव येतं. तिथे जन्नी सुंकरम्मा नावाची एक महिला राहते. तिच्या 12 वर्षाच्या मुलीचं नाव संपूर्णा. काही दिवसांपूर्वी खूप मोठा पाऊस झाला. वादळामुळे सगळे कच्चे रस्ते वाहून गेले. गावाचा बाहेरच्या जगाशी संपर्कच तुटला. नेमक्या त्याच वेळी संपूर्णा खूप आजारी पडली. तिला ताप आला, तिला चालताही येत नव्हतं. गावात दवाखाना नाही, डॉक्टर नाही.
मग काय करायचं? एका आईपुढे दुसरा पर्यायच नव्हता. सुंकरम्माने आपल्या लेकीला उचललं आणि थेट खांद्यावर घेतलं. एका हातात तिने पाण्याची बाटली आणि एक छोटी पिशवी घेतली आणि दुसऱ्या खांद्यावर 12 वर्षाच्या मुलीला घेऊन ती चालत निघाली. रस्ता कुठे होता? सगळीकडे चिखल, दगड, ओढे आणि झाडं पडलेली. वादळाने सगळं खराब करून टाकलं होतं. त्या कठीण वाटेतून तिने जवळपास 7 किलोमीटर अंतर चालून काढलं. डब्बागुंटा नावाच्या डोंगराच्या पायथ्यापर्यंत ती चालत आली. तिथून कसाबसा एक ऑटो मिळवला आणि मग मुलीला एका खाजगी हॉस्पिटलमध्ये नेलं.
डॉक्टरांनी मुलीवर उपचार केले. उपचार झाल्यावर परत येतानाही त्या माऊलीने त्याच जिद्दीने मुलीला पुन्हा खांद्यावर घेतलं आणि घरी परतली. त्या आईची ती जिद्द पाहून सगळेच हेलावून गेले.
Andhra News- Tribal lady carried her 12 year old daughter on her shoulders for nearly 7 km to reach a hospital. Rajya Sabha MP Vijay Chintakayala announced that he would provide an ambulance to Pallapu Dungada through his MPLADS. https://t.co/ejVCq0jUvW — News Arena India (@NewsArenaIndia) November 2, 2026
ही बातमी सोशल मीडियावर पसरली आणि सगळीकडे हळहळ व्यक्त झाली. मंत्री नारा लोकेश यांनी लगेच याची दखल घेतली आणि अधिकाऱ्यांना त्वरित कारवाई करायला सांगितली.
सगळ्यात मोठं पाऊल उचललं आहे खासदार विजय चिंताकायाला यांनी. त्यांनी सांगितलं की, “यापुढे कोणत्याही आईला स्वतःचीच अ‍ॅम्ब्युलन्स बनावं लागणार नाही.” त्यांनी आपल्या खासदार निधीतून म्हणजेच MPLADS मधून त्या गावासाठी एक संपूर्ण नवीन अ‍ॅम्ब्युलन्स देण्याचं जाहीर केलं आहे. हा माझा छोटासा प्रयत्न आहे, असं ते म्हणाले.
Saif Ali Khan Viral Video : सोमवारचा कंटाळा की हॅलोविन लूक? सैफ अली खानचा मजेशीर व्हिडिओ व्हायरल
खरं तर हा एका गावाचा प्रश्न नाही. अशा दुर्गम आदिवासी भागात आजही पक्के रस्ते नाहीत. पावसाळा आला की गावं बंद होतात. आज एका आईला मुलीला खांद्यावर न्यावं लागलं, उद्या अशी वेळ दुसऱ्या कोणावर येऊ नये म्हणून रस्त्याचं काम लवकर होणं गरजेचं आहे. आईचं प्रेम किती मोठं असतं हे या घटनेने पुन्हा एकदा दाखवून दिलं.
Ans: आंध्र प्रदेशातील विजयनगरम जिल्ह्यातील पल्लापु डुंगडा या आदिवासी गावात ही घटना घडली.
Ans: मुलीचे नाव संपूर्णा असून ती १२ वर्षांची आहे.
Ans: पाऊस आणि वादळामुळे कच्चे रस्ते वाहून गेले होते. गावात दवाखाना किंवा डॉक्टरही उपलब्ध नव्हते.
