मंगळवार, 27 ऑक्टोबर 2026
प्रत्येकाला आपले केस घनदाट, मजबूत आणि चमकदार हवे असतात. केसांच्या वाढीसाठी सतत काहींना काही केले जाते. कधी बाजारातील महागड्या केमिकल ट्रीटमेंट, हेअरमास्क, हेअर केअर रुटीनमध्ये बदल करून केसांची काळजी घेतली जाते. पण वारंवार केसांवर केमिकल ट्रीटमेंट करणे धोक्याचे ठरू शकते. केसांच्या वाढीसाठी आणि केस सिल्की दिसण्यासाठी केमिकलचा वापर करण्याऐवजी या हेल्दी पेयांचे आहारात सेवन करावे. महिनाभर नियमित आरोग्यदायी पेय प्यायल्यास केसांच्या वाढीवर सकारात्मक परिणाम दिसून येतील. (फोटो सौजन्य – istock)
महागडे हेअर ट्रीटमेंट्स करणे कायमचे जा विसरून! केसांच्या वाढीसाठी नियमित करा 'या' आरोग्यदायी पेयांचे सेवन
नैसर्गिकरित्या लांब, दाट आणि मजबूत केसांसाठी आठवड्यातून दोनदा किंवा तीनदा आवळ्याचा रस प्यावा. आवळ्याच्या रसात विटामिन सी मोठ्या प्रमाणावर आढळून येते. अकाली केस पांढरे होण्याच्या समस्यापासून कायमची सुटका हवी असल्यास आवळ्याचा रस प्यावा.
लोह, विटामिन ए आणि अँटिऑक्सिडंट्सने समृद्ध असलेला बीटचा रस टाळूवर वाढलेले इन्फेकशन कमी करण्यास मदत करेल. याशिवाय टाळूवरील रक्तभिसरण सुधारण्यासाठी आणि केसांच्या मुळांना आवश्यक पोषण देण्यासाठी बीटचा रस प्यावा.
आठवड्यातून तीनदा नारळ पाणी प्यावे. नारळाच्या पाण्यात पोटॅशियम, मॅग्नेशियम आणि इलेक्ट्रोलाइट्स इत्यादी अनेक घटक असतात. शरीरात पाण्याची पातळी संतुलित ठेवण्यासाठी नारळ पाणी प्यावे.
सफरचंदामध्ये अँटीऑक्सिडंट्स मुबलक प्रमाणात असतात. त्यामुळे सफरचंद आणि पालकचा एकत्र रस करून पिऊ शकता. यामुळे शरीराला आवश्यक प्रमाणात लोह मिळेल आणि केसांची मुळे आतून मजबूत होण्यास मदत होईल.
ग्रीन टीमध्ये अँटिऑक्सिडंट्स असतात. हानिकारक पेशींमुळे केसांच्या मुळांचे होणारे नुकसान टाळण्यासाठी ग्रीन टी प्यावी. ग्रीन टीमुळे केसांची वाढ होण्यास मदत होते.
