Body Detox करण्यासाठी आहारात करा ‘या’ पदार्थांचा समावेश, शरीरातील विषारी घाण पडून जाईल बाहेर

उन्हाळा ऋतूला सुरुवात झाल्यानंतर बाजारात मोठ्या प्रमाणावर कलिंगड उपलब्ध असतात. यामध्ये ९२ टक्के पाणी असते. त्यामुळे दुपारी किंवा संध्याकाळच्या वेळी भूक लागल्यानंतर कलिंगड खावे. कलिंगडमध्ये असलेले पाणी किडनी स्वच्छ करते.

लिव्हरमध्ये चिकटून राहिलेली घाण स्वच्छ करण्यासाठी ऊसाचा रस प्यावा. ऊसाचा रस प्यायल्यामुळे शरीर डिटॉक्स होण्यास मदत होते. पण मधुमेह किंवा वजन कमी करण्याचा प्रयत्न करत असलेल्या लोकांनी ऊसाचा रस पिऊ नये.

शारीरिक हालचालींचा आरोग्यावर सकारात्मक परिणाम दिसून येतो. त्यामुळे सकाळच्या कोवळ्या उन्हात रनिंग, सायकलिंग, जाॅगिंग, वॉकिंग असे व्यायाम करणे आवश्यक आहे.

दुपारच्या जेवणानंतर नियमित वाटीभर दही किंवा एक ग्लासभर ताक प्यावे. ताक प्यायल्यामुळे शरीराला आवश्यक प्रोबायोटिक मिळतात आणि पचनक्रिया सुधारण्यास मदत होते.

शरीरातील रक्त शुद्ध करण्यासाठी आठवड्यातून दोनदा किंवा तीनदा बीटचा रस प्यावा. बीट शरीरासाठी वरदान मानले जाते. यामध्ये असलेले घटक शरीर आतून स्वच्छ करतात.