सुंदर आणि तेजस्वी त्वचा मिळवण्यासाठी महिला कायमच महागड्या स्किन केअर प्रॉडक्टचा वापर करतात. याशिवाय चेहऱ्यावर लगेच ग्लो येण्यासाठी बाजारातील महागड्या ट्रीटमेंट केल्या जातात. पण या ट्रीटमेंट किंवा महागड्या क्रीम वापरण्याऐवजी पोषक आहार घेऊन त्वचेची काळजी घ्यावी. त्वचेच्या सौंदर्याचे रहस्य आहारात दडलेले असते. त्यामुळे आहारात बदल करणे आवश्यक आहे. आज आम्ही तुम्हाला चेहऱ्यावरील ग्लो वाढवण्यासाठी कोणत्या भाज्यांचा आणि फळांचा रस प्यावा, याबद्दल सविस्तर माहिती सांगणार आहोत. चला तर जाणून घेऊया. (फोटो सौजन्य – istock)
ग्लोइंग स्किनसाठी महागडे डाएट किंवा क्रीम वापरण्याऐवजी आहारात 'या' पेयांचा समावेश, त्वचा होईल उजळदार
त्वचेचा रंग सुधारण्यासाठी आणि चेहऱ्यावरील ग्लो वाढवण्यासाठी गाजर बीटचा रस प्यावा. यामुळे रक्त स्वच्छ होण्यास मदत होते. बीटमध्ये पोटॅशियम, लोह आणि विटामिन सी भरपूर असते तर गाजरमध्ये बीटा-कॅरोटीन आणि विटामिन ए आढळून येते.
कोरफड त्वचेसाठी अमृत मानले जाते. मागील अनेक वर्षांपासून त्वचेच्या समस्यांपासून आराम मिळवण्यासाठी कोरफडचा वापर केला जात आहे. यामध्ये असलेल्या गुणकारी घटकांमुळे त्वचा हायड्रेट राहते.
उन्हाळ्याच्या दिवसांमध्ये काकडी आवर्जून खाल्ली जाते. काकडीमध्ये ९२ टक्के पाणी असते. शरीरात वाढलेली उष्णता कमी करण्यासाठी काकडीचा रस प्यावा. तसेच काकडी खाल्ल्यामुळे त्वचा हायड्रेट राहते.
सकाळच्या नाश्त्यात नियमित एक ग्लास डाळिंबाचा रस प्यावा. यामुळे शरीरात निर्माण झालेली रक्ताची कमतरता भरून निघते आणि रक्त शुद्ध होण्यास मदत होते.
टोमॅटोमध्ये लायकोपीन नावाचे अँटिऑक्सिडंट असते, जे त्वचेसाठी नैसर्गिक सनस्क्रीन आहे. चेहऱ्यावर वाढलेला काळेपणा कमी करण्यासाठी टोमॅटोचा रस नियमित प्यावा.
