बुधवार, 4 नोव्हेंबर 2026
दिवाळीनंतर लग्नसराईच्या दिवसांना सुरुवात होते. लग्नाच्या दोन ते तीन महिने आधीपासून खरेदीला सुरुवात केली जाते. त्यासोबतच स्किन केअर रुटीनमध्ये सुद्धा बदल केला जातो. चेहऱ्यावरील ग्लो वाढवण्यासाठी अनेक वेगवेगळ्या महागड्या स्किन ट्रीटमेंट घेतल्या जातात. पण त्वचेला सूट न होणाऱ्या स्किन ट्रीटमेंट केल्यामुळे त्वचेचे गंभीर नुकसान होण्याची शक्यता असते. त्यामुळे चेहऱ्यावर ब्रायडल ग्लो वाढवण्यासाठी या हेल्दी ज्यूसचे सेवन करावे. यामुळे त्वचा डिटॉक्स होण्यासोबतच चेहऱ्यावर चमकदार ग्लो येतो. (फोटो सौजन्य – istock)
ब्रायडल ग्लोसाठी महागड्या स्किन केअरचा वापर करण्याऐवजी नियमित प्या 'हे' ज्यूस, महिनाभरात त्वचा होईल सुंदर
स्ट्रॉबेरी, ब्लू बेरीचे सेवन केल्यामुळे चेहऱ्यावरील ग्लो वाढतो आणि त्वचा चमकदार दिसते. तसेच भिजवलेले चिया सीड्स फळांच्या ज्यूसमध्ये मिक्स करून पिऊ शकता. चिया सीड्समध्ये फायबर, ओमेगा ३, फॅटी ॲसिड, मिनरल्स इत्यादी घटक असतात.
काकडी, पुदिन्याचा ज्यूस एकत्र करून प्यायल्यास शरीरात वाढलेली उष्णता कमी होते आणि त्वचेची पीएच पातळी संतुलित राहण्यास मदत होते. त्यामुळे आठवड्यातून एकदा तरी काकडीचा ज्यूस प्यावा.
गाजर आणि बीटचा एकत्र ज्यूस प्यायल्यास रक्त शुद्ध होण्यासोबतच त्वचा स्वच्छ होते. चेहऱ्यावर आलेले काळे डाग आणि सुरकुत्या कमी करण्यासाठी बीट आणि गाजरचा रस प्यावा.
हिवाळा ऋतूला सुरुवात झाल्यानंतर बाजारात मोठ्या प्रमाणावर आवळे उपलब्ध असतात. आवळ्यांमध्ये असलेले विटामिन सी, लोह, ॲण्टीऑक्सिडंट्स आणि इतर घटक त्वचेची गुणवत्ता सुधारतात.
लिंबामध्ये खूप जास्त विटामिन सी असते. त्यामुळे सकाळी उठल्यानंतर नियमित उपाशी पोटी एक ग्लास कोमट पाण्यात लिंबाचा रस मिक्स करून प्यावा. यामुळे गट हेल्थ सुद्धा चांगले राहते.
