गुरुवार, 29 ऑक्टोबर 2026
Nivedita Saraf: मराठी मनोरंजनविश्वातील अभिनेत्री निवेदिता सराफ या आपल्या दमदार अभिनयासाठी ओळखल्या जातात. आपल्या अभिनयाने आणि विविध भूमिकांनी त्यांनी प्रेक्षकांच्या मनात खास स्थान निर्माण केलं आहे. आता निवेदिता सराफ एका वेगळ्याच कारणामुळे चर्चेत आल्या आहेत. त्यांनी स्वामी समर्थांचा अर्धनारीश्वर लूक साकारला आहे.
निवेदिता सराफ यांनी साकारला स्वामी समर्थांचा अर्धनारीश्वर लूक (फोटो सौजन्य- सोशल मीडिया)
अभिनेत्री निवेदिता सराफ यांनी स्वामी समर्थांचा अर्धनारीश्वर लूक साकारला असून त्यांचा हा लूक पाहून चाहते भारावून गेले आहेत.
निवेदिता सराफ यांचा हा अनोखा लूक व्हायरल होत आहे. या फोटोंमध्ये त्या हिरवी साडी, डोक्यावर मुकुट आणि हातात त्रिशुल दिसत आहे.
अभिनयाच्या माध्यमातून नेहमीच प्रेक्षकांना प्रभावित करणाऱ्या निवेदिता सराफ यांचा हा वेगळा अंदाज त्यांच्या चाहत्यांसाठी खास ठरत आहे.
निवेदिता सराफ यांनी साकारलेल्या या रूपामुळे त्यांच्या चाहत्यांमध्ये उत्सुकता निर्माण झाली आहे. त्यांच्या या नव्या रूपाची सोशल मीडियावर जोरदार चर्चा रंगली आहे.
इन्स्टाग्रामवर फोटो पोस्ट करताना त्यांनी कॅप्शनमध्ये लिहिले, अशक्य ही शक्य करतील स्वामी, स्वामी इच्छेने हा दिव्य लूक साकारण्याचं भाग्य लाभलं… खरंच धन्य!
