सुप्रसिद्ध Instgram Influencer आणि Bigg Boss Marathi Season 5 विजेता सुरज चव्हाण नेहमीच चर्चेत असतो. त्याच्या अतरंगी स्टाइलमुळे त्याने संपूर्ण जगाचे लक्ष स्वतःकडे वेधले आहे. अशामध्ये सुरजची वाढती Fan Following संपूर्ण महाराष्ट्राने अनुभवली आहे. त्याने त्याच्या Fan मंडळीला एक चांगलीच बातमी दिली आहे. गेली अनेक वर्ष आपल्या Reel च्या माध्यमातून 'बच्चा..बाबू...' करणाऱ्या सुरजला अखेर स्वतःचं 'बच्चा...बाबू...' होणार आहे.
Suraj Chavan And Sanjana Chavan Baby Shower. ( फोटो सौजन्य - Social Media )
होय! सुरज चव्हाण बाबा होणार आहे आणि त्याची पत्नी संजना सुरज चव्हाण आई होणार आहे. नुकतेच, संजनाच्या डोहाळे जेवणाचा कार्यक्रम पार पडला आहे.
गेल्या वर्षी नोव्हेंबर महिन्यात सुरज आणि संजनाचे लग्न पार पडले. या सोहळ्यात बिग बॉस मराठी 5 स्पर्धक जान्हवी किल्लेकरने विशेष हजेरी लावली होती आणि बहीण म्हणून सुरजच्या लग्नातील सगळे कर्तव्य पार पाडले.
संजनाच्या डोहाळे जेवणाच्या कार्यक्रमातदेखील जान्हवीने विशेष उपस्थिती लावली होती. काही महिन्यांपूर्वी, तिने संजनाची चोरओटीही भरली होती.
संजनाचे डोहाळे पुरवण्यासाठी आणि होणाऱ्या बाळाला आशीर्वाद देण्यासाठी या कार्यक्रमाचे आयोजन करण्यात आले होते. मराठी सिने तसेच मालिकासृष्टीतून अनेक कलाकारांनी सुरजचे अभिनंदन केले आहे.
या सोहळ्यात सुरज शाही कुर्त्यात झळकत होता तर संजना साडी नेसून पारंपरिक लूक केला होता.
