harashiv BJP Politics News, Rahul Kakade BJYM Dharashiv,
मिळालेल्या माहितीनुसार, केवळ सहा महिन्यांपूर्वीच राहुल काकडेंची भाजपच्या युवा मोर्चाच्या जिल्हाध्यक्षपदी निवड झाली होती. मात्र, कार्यकाळ पूर्ण होण्यापूर्वीच त्यांना पदावरून हटवण्यात आल्याने धाराशिवच्या राजकीय वर्तुळात उलटसुलट चर्चा सुरू झाल्या आहेत. भाजपातील ‘जुने विरुद्ध नवे’ या वादातून राहुल काकडे यांच्यावरील कारवाईची जोरदार चर्चा सुरू आहे. राहुल काकडे हे आमदार राणा जगजीतसिंह पाटील यांचे विश्वासू मानले जातात.
अलीकडच्या काळात त्यांनी सोशल मीडियावर मल्हार पाटील यांच्या समर्थनार्थ ‘भावी खासदार मल्हार सरकार’ अशा पोस्ट शेअर करत शक्तिप्रदर्शन केले होते. या पोस्टमुळे पक्षातील वरिष्ठांनी नाराजीही व्यक्त केली होती. मात्र, याबाबत पक्षाकडून अधिकृत स्पष्टीकरण देण्यात आलेले नाही. राहुल काकडे यांच्या पत्नी धाराशिवच्या नगराध्यक्ष आहेत. धाराशिव नगरपालिकेच्या कारभारावरून विरोधकांकडून आणि नागरिकांकडून टीका केली जात होती. या सर्व पार्श्वभूमीवर राहुल काकडे यांना जिल्हाध्यक्षपदावरून हटवण्यात आल्याचे मानले जात आहे.
जिल्हाध्यक्ष पदावरून उचलबांगडी केल्यानंतर राहुल काकडे यांनी आपली भूमिका स्पष्ट केली आहे. “मी वैयक्तिक कारणांमुळे हे पद सोडले असून, पक्षाचा निर्णय मला मान्य आहे,” असे त्यांनी सांगितले.
राहुल काकडे यांच्या जागी गणेश इंगळगी यांची भाजयुमो जिल्हाध्यक्षपदाची जबाबदारी देण्यात आली आहे. नवनिर्वाचित जिल्हाध्यक्ष गणेश इंगळगी यांनी एका सामान्य कार्यकर्त्यावर विश्वास दाखवल्याबद्दल पक्षाच्या वरिष्ठ नेतृत्वाचे आभार मानले आहेत. पण राहुल काकडे यांची तडकाफडकी करण्यात आलेली हकालपट्टी आणि त्यांच्या जागी करण्यात आलेली नियुक्ती यामुळे धाराशिव भाजपातील अंतर्गत राजकारण ढवळून निघाले आहे.
.png "Videos"){kind=small}
