Breaking: राजकारणात भूकंप! मुख्यमंत्री वगळता भाजपच्या सर्व मंत्र्यांनी दिला राजीनामा; काय आहे नेमकं कारण

मुख्यमंत्री भूपेंद्र पटेल वगळता राज्यातील भारतीय जनता पक्षाच्या नेतृत्वाखालील सरकारमधील सर्व मंत्र्यांनी राजीनामा दिला आहे. एकूण १६ मंत्र्यांनी राजीनामा दिला आहे.

• राजकारणात भूकंप!
• मुख्यमंत्री वगळता भाजपच्या सर्व मंत्र्यांनी दिला राजीनामा
• काय आहे नेमकं कारण

Gujarat Politics: गुजरातच्या राजकारणातून मोठी बातमी समोर येत आहे. मुख्यमंत्री भूपेंद्र पटेल (CM Bhupendra Patel) वगळता राज्यातील भारतीय जनता पक्षाच्या नेतृत्वाखालील सरकारमधील सर्व मंत्र्यांनी राजीनामा दिला आहे. एकूण १६ मंत्र्यांनी राजीनामा दिला आहे. कारण गुजरातमधील भाजप सरकार त्यांच्या मंत्रिमंडळाचा विस्तार करण्याची योजना आखत आहे. वृत्तानुसार, नवीन गुजरात मंत्रिमंडळाचा शपथविधी समारंभ शुक्रवारी दुपारी १२:३९ वाजता होणार आहे.See more

All 16 ministers submit resignations to Gujarat Chief Minister Bhupendra Patel ahead of cabinet expansion: state BJP sources. pic.twitter.com/p9GDMs6EeU — Press Trust of India (@PTI_News) October 16, 2025

किती नवीन मंत्री जोडले जाऊ शकतात?

वृत्तानुसार, गुजरात भाजप सरकारच्या मंत्रिमंडळ विस्तारात अंदाजे पाच मंत्री कायम राहण्याची अपेक्षा आहे, तर अनेक जुन्या चेहऱ्यांना वगळले जाऊ शकते. त्याच वेळी, मंत्रिमंडळात १६ नवीन चेहऱ्यांचा समावेश केला जाऊ शकतो. दोन महिला नेत्यांना मंत्री म्हणून नियुक्त केले जाण्याची शक्यता आहे. नवीन मंत्रिमंडळात अंदाजे २० ते २३ सदस्य असण्याची अपेक्षा आहे.

Bihar Election 2025: बिहार निवडणुकीनंतर मुख्यमंत्री कोण होणार? JDU एका वरिष्ठ नेत्याने सांगितले नाव

पंतप्रधान मोदींसोबत एक प्रदीर्घ बैठक

अलीकडेच, पंतप्रधान नरेंद्र मोदी आणि गृहमंत्री अमित शहा यांनी मुख्यमंत्री, प्रदेश पक्षाध्यक्ष आणि वरिष्ठ नेत्यांसह गुजरात भाजप नेतृत्वासोबत एक प्रदीर्घ बैठक घेतली. बैठकीत मंत्रिमंडळ विस्तार आणि संघटनात्मक भूमिकांमध्ये नवीन चेहऱ्यांचा समावेश करण्यावर चर्चा झाली. सूत्रांनी दिलेल्या माहितीनुसार, पंतप्रधान मोदींना पदभार स्वीकारणाऱ्या सर्व नवीन चेहऱ्यांनी गुजरातच्या लोकांशी संपर्क साधावा आणि त्यांना त्यांचे पद स्वीकारल्यानंतर लगेचच दिवाळीच्या शुभेच्छा द्याव्यात अशी इच्छा आहे.

मंत्रिमंडळ स्थापनेचे काय आहेत नियम ?

आतापर्यंत, गुजरात मंत्रिमंडळात मुख्यमंत्री भूपेंद्र पटेल यांच्यासह १७ मंत्री होते. यापैकी आठ कॅबिनेट दर्जाचे मंत्री होते आणि तेवढीच संख्या राज्यमंत्री होती. गुजरात विधानसभेत एकूण १८२ सदस्य आहेत. त्यापैकी १५ टक्के म्हणजेच २७ सदस्य मंत्री असू शकतात. या महिन्याच्या सुरुवातीला, गुजरात सरकारमधील राज्यमंत्री जगदीश विश्वकर्मा यांनी केंद्रीय मंत्री सी.आर. पटेल यांच्या जागी गुजरात भाजप अध्यक्षपदाची नियुक्ती केली. १२ डिसेंबर २०२२ रोजी मुख्यमंत्री भूपेंद्र पटेल यांनी दुसऱ्यांदा गुजरातचे मुख्यमंत्री म्हणून शपथ घेतली.

BJP Thane Meeting: एकनाथ शिंदेंना घेरण्यासाठी भापजने टाकलं जाळं: ठाण्यात भाजपच्या आढावा बैठकीत स्वबळाचा नारा