बुधवार, 11 नोव्हेंबर 2026
Fire Breaks Forest Minister Ganesh Naik's Government Bungalow in Mumbai ( मुंबईतील वनमंत्री गणेश नाईक यांच्या शासकीय बंगल्यात आग ) फोटो सौजन्य AI
मिळालेल्या माहिती नुसार ही आग एसीमध्ये शॉर्ट सर्किट झाल्यामुळे लागली. मंत्रालया समोर ही शासकीय निवास्थान आहेत. याच ठिकाणी वनमंत्री गणेश नाईक यांचा ‘पावन गड’ हा शासकीय बंगला आहे.
ही आग ‘लेव्हल वन’ क्षमतेची असल्याचे सांगण्यात येत आहे. जेव्हां आग लागली, तेव्हा वनमंत्री गणेश नाईक बंगल्यामध्ये उपस्थित नव्हते. मात्र, या ठिकाणी इतर कर्मचारी होते. घटनेची माहिती मिळताच अग्निशमन दलाचे दोन ते तीन गाड्या घटनास्थळी दाखल झाल्या आहेत.
मुंबईच्या मंत्रालयासमोर अनेक मंत्र्यांचे शासकीय बंगले आहेत. याच ठिकाणी राजकीय पक्षांची कार्यालये आहेत. मंत्री आदिती तटकरे, मंत्री नितेश राणे, मंत्री सचिन अहिर, मंत्री दादा भुसे अशा अनेक मंत्र्यांचे बंगले आणि शिवसेना (उद्धव बाळासाहेब ठाकरे), शिवसेना (एकनाथ शिंदे), राष्ट्रवादी काँग्रेस (अजित पवार) या प्रमुख पक्षांची कार्यालये आहेत. अशा राजकीयदृष्ट्या अत्यंत महत्त्वाच्या मानल्या जाणाऱ्या परिसरामध्ये अचानक आग लागल्याने एकच खळबळ उडाली आहे.
#मंत्रालय के पास मंत्री गणेश नाईक के सरकारी बंगले “पवनगढ़” में लगी #आग!
#mumbai
#mantralaya
#maharashtra https://t.co/WaFWNHymM8 — MANOJ YADAV🇮🇳 (@ManojVedanta) November 11, 2026
घटना स्थळी मोठ्या प्रमाणात पोलीस यंत्रणा उपस्थित असून आगीवर नियंत्रण आण्यासाठी अग्निशमन दलाचे ४ गाड्या दाखल झाल्या असून आगीवर नियंत्रण मिळवण्यासाठी शर्थीचे प्रयत्न सुरू आहेत. दिवाळीच्या सुट्या असल्याकारणाने सर्व कर्मचारी सुट्टीवर आहेत. या मुळे या घटने कोणालाही गंभीर दुखापत झाले नाही. अशी माहिती समोर येत आहे.
आगीमुळे या शासकीय बंगल्याचे किती नुकसान झाले आहे, याबाबत अद्याप स्पष्ट माहिती समोर आलेली नाही. ही आग नेमकी कशामुळे लागली, याचा तपास सुरू आहे. एसीमधील शॉर्ट सर्किट हेच आगीचे कारण आहे का, याचीही चौकशी केली जाणार आहे. या घटनेबाबत अधिक माहिती मिळण्याची प्रतीक्षा आहे.
या आधी सुद्धा शासकीय इमारतींना आग लागल्याच्या घटना घडल्या आहेत. यामध्ये सर्वात मोठी घटना ही २१ जून २०१२ रोजी घडली होती. मुंबई मंत्रालयात मोठी आग लागली होती. ही आग तत्कालीन मंत्री बाबनराव पाचपुते यांच्या चौथ्या मजल्यावरील केबिनमध्ये शॉर्ट सर्किटमुळे लागली होती.
या आगीत तत्कालीन मुख्यमंत्री पृथ्वीराज चव्हाण, उपमुख्यमंत्री आणि मुख्य सचिव यांची कार्यालये पूर्णपणे जळून खाक झाली होती. हजारो फाईल्स आणि महत्त्वाची कागदपत्रे नष्ट झाली होती. या आगीमध्ये मंत्रालयाच्या इमारतीचे मोठे नुकसान झाले होते.
Ans: मंत्रालयासमोरील 'पावन गड' या त्यांच्या शासकीय बंगल्यात आग लागली.
Ans: एसीमध्ये शॉर्ट सर्किट झाल्यामुळे आग लागल्याचा प्राथमिक अंदाज आहे, अधिकृत तपासानंतरच आगीचे नेमके कारण स्पष्ट होईल.
Ans: आग लागली तेव्हा वनमंत्री गणेश नाईक बंगल्यात उपस्थित नव्हते.
