बुधवार, 11 नोव्हेंबर 2026
Ather Electric Scooter Sales Cross Three Lakh Milestone (फोटो सौजन्य-AI एआय)
भारतीय इलेक्ट्रिक टू-व्हीलर मार्केटमध्ये एथर एनर्जीने (Ather Energy) मोठी मजल मारली आहे. Ather Electric Scooter Sales 2026 मध्ये 3 लाखांचा टप्पा पार करत 3,01,133 युनिट्सवर पोहोचल्या आहेत. New Ather Konarc इलेक्ट्रिक स्कूटरच्या एन्ट्रीदरम्यान कंपनीच्या विक्रीत वर्षाच्या तुलनेत 67% वाढ झाली आहे. विशेष म्हणजे, Ather Market Share सुद्धा 16.3% वर पोहोचला असून कंपनीसाठी हा आतापर्यंतचा सर्वोच्च आकडा ठरला आहे.
1 जानेवारी ते 6 नोव्हेंबर 2026 या कालावधीत एथरने ही विक्री नोंदवली आहे. टीव्हीएस आणि बजाजनंतर 2026 मध्ये 3 लाख इलेक्ट्रिक दुचाकी विक्रीचा टप्पा गाठणारी एथर ही तिसरी कंपनी ठरली आहे. 2025 मध्ये कंपनीचा इलेक्ट्रिक टू-व्हीलर मार्केटमधील वाटा 16.1% होता. आता त्यात वाढ होऊन 16.3% झाला आहे. सध्याचा वेग कायम राहिल्यास कंपनी वर्षअखेरपर्यंत जवळपास 3.50 लाख युनिट्स विक्री करू शकते.
एथरसाठी मार्च 2026 हा सर्वात चांगला महिना ठरला. या महिन्यात कंपनीने 36,630 इलेक्ट्रिक स्कूटर्सची विक्री केली. ऑक्टोबरमध्येही 31,941 युनिट्सची विक्री झाली. 2026 मध्ये आतापर्यंत सहा वेळा कंपनीची मासिक विक्री 30,000 युनिट्सच्या पुढे गेली आहे. या वाढीत कंपनीच्या नवीन स्कूटर्स आणि विस्तारलेल्या विक्री नेटवर्कचा वाटा महत्त्वाचा मानला जात आहे.
दरम्यान, एथरने नुकतीच कोनार्क (Konarc) इलेक्ट्रिक स्कूटर भारतीय मार्केटमध्ये आणली आहे. ही स्कूटर S आणि Z अशा 2 सीरिजमध्ये एकूण 6 व्हेरिएंट्समध्ये येते. Konarc S मध्ये 2.1 kWh, 2.7 kWh आणि 3.5 kWh बॅटरी पॅकचे ऑप्शन आहेत. त्यानुसार 100 किमी, 125 किमी आणि 161 किमी IDC रेंज मिळते. या व्हेरिएंट्सच्या एक्स-शोरूम बंगळुरू किमती अनुक्रमे 99,999 रुपये, 1.22 लाख रुपये आणि 1.45 लाख रुपये आहेत. 200 किमी रेंज असलेले टॉप व्हेरिएंट Q3 2027 मध्ये येण्याची शक्यता आहे.
Konarc Z मध्ये 2.7 kWh आणि 3.5 kWh बॅटरीसह 125 किमी आणि 161 किमी रेंज मिळेल. या मॉडेलची विक्री Q2 2027 पासून सुरू होण्याचे नियोजन आहे. दुसरीकडे, 100 किमी रेंज असलेल्या Konarc S व्हेरिएंटची डिलिव्हरी प्रोडक्शनमधील अडचणींमुळे Q1 ऐवजी Q4 2027 पर्यंत पुढे ढकलण्यात आली आहे.
दिल्लीमध्ये एकाच दिवशी 500 कोनार्क स्कूटर्सची डिलिव्हरी करून कंपनीने ग्राहकांचा प्रतिसादही दाखवून दिला आहे. सध्या दिल्ली-NCR मध्ये एथरची 17 एक्सपिरियन्स सेंटर्स आणि 209 फास्ट चार्जिंग पॉइंट्स आहेत. त्यामुळे 2026 मधील विक्रीचा वेग पाहता भारतीय इलेक्ट्रिक दुचाकी मार्केटमध्ये एथरची पकड आणखी मजबूत होण्याची शक्यता आहे.
Ans: 1 जानेवारी ते 6 नोव्हेंबर 2026 या कालावधीत एथर एनर्जीने 3,01,133 इलेक्ट्रिक स्कूटर्सची विक्री केली. मागच्या वर्षाच्या तुलनेत विक्रीत 67% वाढ झाली.
Ans: 2026 मध्ये एथरचा भारतीय इलेक्ट्रिक टू-व्हीलर मार्केटमधील वाटा 16.3% झाला आहे. हा कंपनीचा आतापर्यंतचा सर्वोच्च मार्केट शेअर आहे.
Ans: एथर कोनार्क S ची सुरुवातीची किंमत 99,999 रुपये आहे. यामध्ये 2.1 kWh बॅटरीसह 100 किमी, 2.7 kWh बॅटरीसह 125 किमी आणि 3.5 kWh बॅटरीसह 161 किमी IDC रेंज मिळते. या किमती एक्स-शोरूम बंगळुरू येथील आहेत.
