Baramati By Election : बारामतीची पोटनिवडणूक बिनविरोध होऊ देणार नाही; ‘या’ नेत्याने केला तीव्र विरोध

जानेवारी महिन्यात झालेल्या विमान अपघातात अजित पवार यांचे निधन झाले. त्यांच्या निधनानंतर होणारी बारामतीची निवडणूक बिनविरोध होणार असल्याची चर्चा सुरु आहे. असे असतानाच आता ट्विस्ट पाहायला मिळत आहे.

बारामती : राज्याचे उपमुख्यमंत्री आणि बारामती विधानसभा मतदारसंघाचे आमदार अजित पवार यांचे विमान अपघातात निधन झाले. त्यामुळे आता या जागेवर पोटनिवडणूक घेतली जाणार आहे. ही निवडणूक बिनविरोध व्हावी, यासाठी राष्ट्रवादीचे प्रयत्न असतानाच ओबीसी समाजाचे नेते प्रा. लक्ष्मण हाके यांनी मात्र ही पोटनिवडणूक बिनविरोध होऊ देणार नसल्याचे म्हटले आहे. त्यामुळे बिनविरोध निवडणुकीवर प्रश्नचिन्ह निर्माण झाले आहे.

जानेवारी महिन्यात झालेल्या विमान अपघातात अजित पवार यांचे निधन झाले. त्यांच्या निधनानंतर होणारी बारामतीची निवडणूक बिनविरोध होणार असल्याची चर्चा सुरु आहे. असे असतानाच आता ट्विस्ट पाहायला मिळत आहे. ओबीसी नेते लक्ष्मण हाके यांनी निवडणूक लढवण्याची तयारी सुरु केल्याचे दिसत आहे. आपण निवडणूक लढवावी यासाठी बारामतीतील कार्यकर्त्यांकडून मोठा आग्रह असल्याचे ते म्हणाले. निवडणूक लढविण्याचा कार्यकर्त्यांचा आग्रह आहे. पुढील चार-पाच दिवसात बारामती तालुक्यातील प्रत्येक गावात भेटी देणार असल्याचे सांगतही पोटनिवडणूक बिनविरोध होऊ देणार नाही, असे त्यांनी सांगितले.

लक्ष्मण हाके म्हणाले, बिनविरोध निवडणूक ही लोकशाहीविरोधी आहे. बारामतीकरांच्या मनात अजित पवार यांच्या निधनाबद्दल दुःख आहे. मात्र, त्याचा वापर राजकारणासाठी होऊ नये. त्यांनी सुनेत्रा पवार यांना विधान परिषदेत बिनविरोध संधी देण्याची मागणी करत सत्ताधाऱ्यांनी विधानसभा निवडणुकीत उमेदवार उभा करावा, असे आवाहन केले. राज्य सरकारच्या धोरणांवर टीका करत त्यांनी ओबीसी आरक्षण, पाणीटंचाई, शेतकरी व कामगारांचे प्रश्न प्रलंबित असल्याचा आरोप केला.

निवडणुकीची केली तयारी

आम्ही चळवळीतील कार्यकर्ते असून, जनतेच्या प्रश्नांवर निवडणूक लढवणार आहोत, असे ते म्हणाले. पुढील काही दिवसांत फलटण येथे ओबीसींचा मोर्चा काढण्यात येणार असल्याचे त्यांनी यावेळी सांगितले.

भाजपकडूनही विरोध?

बारामती विधानसभेची पोटनिवडणूक जाहीर होताच राज्यातील राजकारण तापले आहे. मुख्यमंत्री देवेंद्र फडणवीस यांनी बारामती आणि राहुरी येथील पोटनिवडणुका बिनविरोध करण्याचे आवाहन केले. मात्र, एका सरकारी वैद्यकीय महाविद्यालयाच्या नामकरणावरून निर्माण झालेल्या वादाने या आवाहनावर प्रश्नचिन्ह उभे केले आहे.

हेदेखील वाचा : Baramati by-election : “वास्तव हे कल्पनेपेक्षाही अधिक भयंकर…; बारामती पोटनिवडणूकीवर रोहित पवारांची भावनिक पोस्ट