Maharashtra Politics : सागर नाईक म्हणजे सहभागृह का? शिवसेनेचे शिवराम पाटील यांचा खडा सवाल

नवी मुंबई महापालिकेच्या सर्वसाधारण सभेमध्ये शुक्रवारी आयत्यावेळी घाईघाईत सादर केलेल्या प्रस्तावाच्या खाली कार्यालय रामचंद्र निवास बोनकोडे गाव असा उल्लेख असल्याचे निदर्शनास आले होते.

• सागर नाईक म्हणजे सहभागृह का?
• पालिकेच्या पत्त्यावरून सभागृहात विरोधक आक्रमक
• ठरावावर बोनकोडेचा पत्ता

सिद्धेश प्रधान, नवी मुंबई: महापालिकेच्या सर्वसाधारण सभेमध्ये शुक्रवारी (20 मार्च 2026) आयत्यावेळी घाईघाईत सादर केलेल्या प्रस्तावाच्या खाली कार्यालय रामचंद्र निवास बोनकोडे गाव असा उल्लेख असल्याचे निदर्शनास आले होते. सचिव विभागाने सर्वसाधारण सभेत मांडलेल्या प्रस्तावावर हा पत्ता पाहून अनेकांनी आश्चर्य व्यक्त केले. प्रशासनाच्या कामकाजाविषयी नाराजी व्यक्त केली आहे. सत्ताधारी एकीकडे अधिनियमांवर बोट ठेवून कारभार चालवत असताना, खुद्द त्यांनी मांडलेल्या प्रस्तावावर खासगी पत्ता लिहिला गेलेला असल्याने सोमवार होणाऱ्या महासभेत विरोधक यावर आक्रमक होण्याची शक्यता होती. याविषयी दैनिक नवराष्ट्रने याबाबत वृत्त प्रसारित केले होते. अखेर शिवसेनेचे नगरसेवक शिवराम पाटील यांनी या विषयावर सोमवारी झालेल्या तहकूब महासभेत आवाज उठवत सत्ताधारी तसेच सचिवांना धारेवर धरले.

सातारा पोलिसांच्या निलंबनाला मंत्री जयकुमार गोरे यांचा विरोध, विधान परिषदेत शंभूराजे देसाई आणि जयकुमार आमने सामने

नवी मुंबई महानगरपालिकेच्या सर्वसाधरण सभेत मांडलेल्या प्रस्तावावर सागर नाईक यांच्या बोनकोडे येथील कार्यालयांचा पत्ता असल्याने शिवसेना शिंदे गटांचे नगरसेवक शिवराम पाटील यांनी प्रश्न उपस्थित केला. यावेळी शिवराम पाटील यांनी पालिकेचा प्रस्ताव बोनकोडे गावातून कसे काय आले? असा सवाल उपस्थित केला. यावेळी पालिकेचे सभागृह हे हुकुमशाही पध्दतीने चालत आहे. सभागृह फकत एकच व्यक्ती चालवत असल्याचे आरोप शिवराम पाटील यांनी केला. तर पुर्वी चे सभागृह चांगल्या पध्दतीने चालत होते. पण आतांचे सभागृहे तसे चालत नसल्याचा आरोप शिवराम पाटील यांनी केला. सागर नाईक म्हणजे सभागृह आहे का? असा प्रश्न पाटील यांनी उपस्थित केला. मी महापौरांना प्रश्न विचारतोय आणि उत्तर सभागृह नेते का देतात? हे सभागृह महापौर चालवतात की सभागृह नेते असा सवाल शिवराम पाटील यांनी विचारला.

ठराव आणताना नेमके काय घडले होते?

२० मार्च रोजी झालेल्या सर्वसाधारण सभेमध्ये सभागृह नेते सागर नाईक यांनी काही ठराव सचिव कार्यालयाकडे पाठविले होते. आयत्या वेळचे विषय म्हणून यामधील काही प्रस्ताव सभेमध्ये घेतले. या प्रस्तावांची प्रत वाटताना सचिव विभागाने सभागृह नेत्यांकडून आलेले प्रस्तावांची झेरॉक्स काढून जसेच्या तसे पुढे पाठविल्याचे पाहावयास मिळाले. झेरॉक्स काढताना वरील भागातील सभागृह नेत्यांचे नाव वगळले. परंतु, प्रस्तावाच्या खाली कार्यालय रामचंद्र निवास बोनकोडे गाव व निवासाचा पत्ता हा तपशील वगळण्याचे राहून गेले. याविषयी चर्चा सभागृहात व सभागृहाच्या बाहेरही सुरू होती.

Satara Politics: सातारा जिल्हा परिषद सत्ता नाट्य: ‘माझे अपहरण झालेच नाही’; बापू शिंदे यांचा पोलिसांत लेखी खुलासा