मुलगी नताशा आव्हाड हिच्याबाबत जितेंद्र आव्हाड यांची प्रतिक्रिया (फोटो - सोशल मीडिया)
जितेंद्र आव्हाड यांच्या कन्या नताशा आव्हाड यांच्या सोशल मीडिया पोस्टवरून राजकारण रंगले. यावर आता जितेंद्र आव्हाड प्रतिक्रिया देत म्हणाले, “मी ज्या संस्कृतीतून वरती आलोय, त्यामध्ये पक्ष नेतृत्व जेव्हा चर्चा करून एखादा निर्णय घेते, तर त्या विरोधात माझी पिढी तरी कधी विरोधात जात नाही. खासकरून शरद पवारांनी एकदा सांगितलं की, ही लक्ष्मणरेषा, तिथेच विषय संपतो. पण ही नवीन पिढी आहे, त्यांच्याबद्दल आपण काय बोलावं?”
‘मफलर मॅन’वरून रोहित पवारांचा फडणवीसांवर निशाणा; सुप्रिया सुळेंनी स्पष्टच सांगितलं…
पुढे ते म्हणाले, “माझ्या पिढीसाठी आम्हाला वडिलांसारखे असणारे शरद पवार हे सांगितील तो अंतिम शब्द, असं मानणाऱ्या आम्ही आहोत. माझी वैयक्तिक भूमिका ही जी शरद पवारांची असणार तीच माझी भूमिका असणार आहे. हे माझ्यासाठी आयुष्यभर ठरलेलं आहे. जेव्हापासून मी राजकारणात आलोय, तेव्हापासून शरद पवार म्हणतील, तो शब्द अंतिम हेच माझं ठरलेलं आहे.”
मुलगी नताशाबाबत ते म्हणाले, “ही नवीन जनरेशन आहे आणि या पिढीचे विचार वेगळे आहेत. त्यांना आपण बोलणार काय? ती सध्या लंडनला आहे, एका कॉन्फरन्ससाठी ती तिकडे गेली आहे. ती जेव्हा परत येईल तेव्हा मी तिच्याशी बोलेन. जेवढं माझं वडील म्हणून काम आहे, ते मी नक्की करणार आहे.”
Ans: नताशा आव्हाड यांनी मतदारसंघ पुनर्रचनेच्या मुद्द्यावर पक्षाच्या भूमिकेपेक्षा वेगळी भूमिका सोशल मीडिया पोस्टद्वारे मांडली.
Ans: नताशा ही नवीन पिढी असून तिचे विचार वेगळे आहेत, असे सांगत जितेंद्र आव्हाड यांनी ती लंडनहून परतल्यानंतर तिच्याशी याबाबत चर्चा करणार असल्याचे स्पष्ट केले.
Ans: शरद पवार यांची जी भूमिका असेल, तीच आपली भूमिका असेल आणि शरद पवारांचा शब्द आपल्यासाठी अंतिम असल्याचे जितेंद्र आव्हाड यांनी स्पष्ट केले.






