KDMC स्थायी समितीच्या सभेला अधिकारी गायब! सभापती-सदस्यांना जुमानत नाहीत का? अखेर सभा काही काळासाठी तहकूब
कल्याण-डोंबिवली महानगरपालिकेत शिवसेना, भाजप आणि मनसे सत्तेत आहेत. स्थायी समितीच्या सभापतीपदी ज्येष्ठ नगरसेवक मल्ल शेट्टी आहेत. महापालिकेच्या आर्थिक आणि प्रशासकीय दृष्टीने महत्त्वाच्या विषयांवर स्थायी समितीच्या बैठकीत चर्चा अपेक्षित असते. मात्र, या बैठकीलाच आवश्यक अधिकारी उपस्थित नसल्याने कामकाज सुरू करण्यात अडचण निर्माण झाली.
Maharashtra Politics: फडणवीसांची सावध पाऊले; मंत्र्यांचा निर्णय बदलण्याचा अधिकार का घेतला स्वतःकडे?
स्थायी समितीची सभा सुरू होण्याची वेळ झाली तरी महत्त्वाचे अधिकारी सभागृहात उपस्थित नव्हते. त्यामुळे विविध विषयांवर चर्चा आणि अधिकाऱ्यांकडून उत्तरे मिळणे शक्य नसल्याने अखेर सभा काही काळासाठी तहकूब करण्याचा निर्णय घेण्यात आला. या प्रकारामुळे स्थायी समितीचे सभापती आणि सदस्यांना अधिकाऱ्यांच्या उपस्थितीची प्रतीक्षा करावी लागली. यानंतर महापालिका वर्तुळात ‘केडीएमसीचे अधिकारी स्थायी समिती सभापती आणि सदस्यांना जुमानत नाहीत का?’ असा प्रश्न उपस्थित होऊ लागला.
या प्रकरणावर भाजपचे नगरसेवक मंदार हळबे यांनी प्रतिक्रिया दिली. अधिकाऱ्यांच्या अनुपस्थितीबाबत महापालिका आयुक्तांकडे विचारणा केली असता सुरुवातीला त्यांच्याकडेही याबाबत माहिती नव्हती, असे हळबे यांनी सांगितले. त्यानंतर सदस्यांनी आयुक्तांसोबत चर्चा केली. काही अधिकारी मंत्रालयात गेले असल्याचे तसेच अन्य अधिकारी कुठे आहेत, यासंदर्भातील माहिती आयुक्तांनी सदस्यांना दिल्याचे हळबे यांनी सांगितले. अधिकारी आल्यानंतर सभा पुन्हा सुरू करण्यात येणार असल्याचेही त्यांनी स्पष्ट केले.
महापालिकेतील स्थायी समिती ही निर्णय प्रक्रियेतील महत्त्वाची समिती मानली जाते. अशा समितीच्या सभेला आवश्यक अधिकारीच उपस्थित राहत नसतील, तर प्रशासन आणि लोकप्रतिनिधींमध्ये समन्वय आहे का, असा प्रश्न या घटनेनंतर उपस्थित झाला आहे. विशेष म्हणजे अधिकारी वेळेवर उपस्थित न राहिल्याने सभा तहकूब करावी लागणे आणि लोकप्रतिनिधींना त्यांच्या प्रतीक्षेत बसावे लागणे यामुळे महापालिकेच्या प्रशासकीय कार्यपद्धतीबाबतही चर्चा सुरू झाली आहे. आता या प्रकाराची महापालिका प्रशासनाकडून गंभीर दखल घेतली जाते का आणि भविष्यात स्थायी समितीच्या बैठकांना संबंधित अधिकाऱ्यांची उपस्थिती सुनिश्चित करण्यासाठी कोणती पावले उचलली जातात, याकडे लक्ष लागले आहे.
Sugar Price Hike: साखरेत पाणी मुरतयं! अचानक झालेल्या साखर दरवाढीवर राजू शेट्टींनी व्यक्त केली शंका
.png "Videos"){kind=small}
