Maharashtra Drought Declaration: शेतकऱ्यांसाठी मोठी बातमी! राज्यात १०० टक्के दुष्काळ जाहीर होणार

Maharashtra Drought: राष्ट्रवादी काँग्रेसचे अध्यक्ष शरद पवार यांनीही दुष्काळाच्या मुद्द्यावर आक्रमक भूमिका घेतली आहे. शरद पवार २८ सप्टेंबर रोजी राज्यातील दुष्काळग्रस्त भागाचा दौरा करणार आहेत. या दौऱ्यात ते प्रत्यक्ष परिस्थितीचा आढावा घेणार असून शेतकऱ्यांशी संवाद साधणार आहेत.

•  राज्यात १०० टक्के दुष्काळ जाहीर करण्याची प्रक्रिया सुरू
• राज्यातील २० जिल्ह्यांमध्ये पाऊस नसल्याने सोयाबीन, कापूस व ऊसाचे पीक पूर्णपणे करपले
• राज्य सरकारकडून आधीच ‘दुष्काळाचा ट्रिगर १’ (Trigger 1) लागू

Maharashtra Drought News: “एवढा दुष्काळ मी माझ्या आयुष्यात कधी पाहिला नाही. यंदा राज्यात कोणतीही पिके आलेली नाही, सोयाबीन, कापूसच नाही तर ऊसही गेला आहे. दुष्काळ तर जाहीर होणार आहे. एनडीआरएफच्या नियमांप्रमाणे शासन मदत करणार आहे. दुष्काळ १०० टक्के जाहीर होणार आहे.” अशी ग्वाही सहकारी मंत्री बाबासाहेब पाटील यांनी केला आहे.

सोयाबीन, कापूस, ऊसाचे पीक करपून गेले

राज्यात गेल्या दीड महिन्यापासून पावसाने उसंत घेतल्यामुळे शेतकरी मोठ्या संकटात सापडले आहेत. राज्यातील बहुतांश भागात खरीप पिकांची अवस्था अत्यंत बिकट झाली आहे. पुरेशा पावसाअभावी सोयाबीन, कापूस, ऊसाचे पीक करपून गेले आहेत. शेतकऱ्यांनी दुबार पेरणीचे संकट ओढावले आहे. या परिस्थितीची दखल घेत राज्य सरकारने दुष्काळाचा ट्रिगर १ लागू केला आहे. विरोधी पक्षांकडूनही दुष्काळ जाहीर करण्याची मागणी होत असताना आता राज्य सरकारने यासंदर्भात महत्त्वाची अपडेट जारी केली आहे.

राज ठाकरे मुख्यमंत्री होणार? भरत गोगावले यांची पहिली प्रतिक्रिया, म्हणाले; CM होण्यासाठी त्यांनी…

राज्यातील २० जिल्ह्यांत पावसाचे प्रमाणे राहिल्यामुळे खरीप पिके करपून गेली आहेत. दुष्काळ जाहीर करुन शेतकऱ्यांना तातडीने मदत जाहीर करावी, अशी मागणी केली जात आहे. राज्य सरकारने त्यादृष्टीने पावले उचलत पावले उचलत दुष्काळ जाहीर करण्याची प्रक्रिया सुरु केली आहे. असही बाबासाहेब पाटील यांनी सांगितलं आहे.

दुष्काळसदृश परिस्थिती

राज्यातील अनेक भागांमध्ये पावसाने ओढ दिल्याने दुष्काळसदृश परिस्थिती निर्माण झाली आहे. या पार्श्वभूमीवर राज्यात दुष्काळ जाहीर करण्याची प्रक्रिया सुरू करण्यात आली आहे. दुष्काळ जाहीर करण्यासाठी पिकांची सध्याची स्थिती, जमिनीतील ओलावा तसेच धरणांमधील पाणीसाठ्याची आकडेवारी तपासली जाणार आहे. या सर्व बाबींच्या आधारे परिस्थितीचा आढावा घेतल्यानंतर पुढील निर्णय घेतला जाणार आहे.

महसूलमंत्री चंद्रशेखर बावनकुळे यांनीही काही दिवसांपूर्वी राज्यातील दुष्काळी परिस्थिती गंभीर असल्याची प्रतिक्रीया दिली होती.तसेच, दुष्काळ जाहीर करण्यासाठी केंद्र सरकारकडे प्रस्ताव पाठवावा लागेल. राज्य सरकारकडूनही आवश्यक ती मदत केली जाईल, असे बावनकुळे यांनी म्हटले होते.

शरद पवार २८ सप्टेंबरला दुष्काळग्रस्त भागाच्या दौऱ्यावर

दरम्यान, राष्ट्रवादी काँग्रेसचे अध्यक्ष शरद पवार यांनीही दुष्काळाच्या मुद्द्यावर आक्रमक भूमिका घेतली आहे. शरद पवार २८ सप्टेंबर रोजी राज्यातील दुष्काळग्रस्त भागाचा दौरा करणार आहेत. या दौऱ्यात ते प्रत्यक्ष परिस्थितीचा आढावा घेणार असून शेतकऱ्यांशी संवाद साधणार आहेत.

काही दिवसांपूर्वीच शरद पवार यांनी मुख्यमंत्री देवेंद्र फडणवीस यांना पत्र लिहून राज्यात कोरडा दुष्काळ जाहीर करण्याची मागणी केली होती. त्यामुळे आता राज्य सरकारकडून दुष्काळाबाबत कोणता निर्णय घेतला जातो, याकडे सर्वांचे लक्ष लागले आहे.