NCP President Appointment:सुनील तटकरेंचे प्रदेशाध्यक्षपद धोक्यात; उच्च न्यायालयाचे निवडणूक आयोगाला महत्त्वाचे निर्देश

राष्ट्रवादी काँग्रेस पक्षातील फुटीनंतर आणि आगामी स्थानिक स्वराज्य संस्थांच्या निवडणुकांच्या पार्श्वभूमीवर प्रदेशाध्यक्षपदाच्या वैधतेवरच प्रश्नचिन्ह उपस्थित झाल्याने पक्षात खळबळ उडाली आहे.

• सुनील तटकरे यांच्या प्रदेशाध्यक्ष नियुक्तीविरोधातील तक्रारीवर ४ महिन्यांत निर्णयाचे हायकोर्टाचे आदेश.
• न्यायमूर्ती नितीन सूर्यवंशी व न्यायमूर्ती आबासाहेब शिंदे यांच्या खंडपीठाकडून निर्णय.
• परतूर-मंथा मतदारसंघाचे अध्यक्ष भाऊसाहेब गोरे यांच्याकडून उच्च न्यायालयात याचिका

NCP President Appointment:  राष्ट्रवादी काँग्रेस पक्षाचे प्रदेशाध्यक्ष सुनील तटकरे यांच्या नियुक्तीसंदर्भात दाखल झालेल्या तक्रारीवर निवडणूक आयोगाने चार महिन्यांत निर्णय घ्यावा, असे आदेश मुंबई उच्च न्यायालयाच्या औरंगाबाद खंडपीठाने दिले आहेत. न्यायमूर्ती नितीन सूर्यवंशी आणि न्यायमूर्ती आबासाहेब शिंदे यांच्या खंडपीठासमोर झालेल्या सुनावणीत हा आदेश देण्यात आलाय

सुनील तटकरे नियुक्ती प्रकरण ?

जालना जिल्ह्यातील परतूर-मंथा विधानसभा मतदारसंघाचे अध्यक्ष भाऊसाहेब गोरे यांनी वकील राजेंद्र दासाळकर यांच्यामार्फत मुंबई उच्च न्यायालयाच्या औरंगाबाद खंडपीठात सुनील तटकरे यांच्या नियुक्तीसंदर्भात याचिका दाखल केली आहे. राष्ट्रवादी काँग्रेस पक्षाच्या घटनेत नमूद केलेल्या निवडणूक प्रक्रियेचे पालन न करता सुनील तटकरे यांची नियुक्ती करण्यात आली, असा दावा या याचिकेत करण्यात आला आहे.

Iran Trolls UN: इराण गॉट नो चिल! ‘या’ भन्नाट ‘शोले’मधील ‘ठाकूर’ च्या मीमने संयुक्त राष्ट्रांना सोशल

८ ऑगस्ट रोजी निवडणूक आयोगाकडे तक्रार

याचिकाकर्त्याने या प्रकरणी ८ ऑगस्ट, २०२६ रोजी केंद्रीय निवडणूक आयोगाकडे एक सविस्तर तक्रार दाखल केली. खंडपीठाने या तक्रारीवर आतापर्यंत केलेल्या कारवाईबाबत निवडणूक आयोगाकडून अहवाल मागवला होता..

 

सुनील तटकरे यांच्या नियुक्तीवर चार महिन्यांत निर्णय होणार

निवडणूक आयोगाचे प्रतिनिधित्व करणारे वकील आलोक शर्मा यांनी न्यायालयाला माहिती दिली की, आयोगाच्या निर्देशानुसार याचिकाकर्त्याच्या तक्रारीवर चार महिन्यांत निर्णय घेतला जाईल. या आश्वासनानंतर, खंडपीठाने संबंधित निर्देश जारी केले आणि याचिका निकाली काढली. आता निवडणूक आयोगाला याचिकाकर्त्याच्या तक्रारीवर निर्धारित वेळेत निर्णय घ्यावा लागेल. नियुक्ती प्रक्रियेबाबत केलेल्या आरोपांवर निवडणूक आयोग अंतिम निर्णय घेईल.

INDIA Alliance Meeting In Delhi: देशात लवकरच मोठे बदल…! इंडिया आघाडी मोठा डाव टाकण्याच्या तयारीत, सहा मोठे कार्यक्रम

तटकरे यांची नियुक्ती कोणत्याही निवडणुकीशिवाय एकतर्फी होती

भाऊसाहेब गोरे यांनी आरोप केला आहे की, ३ जुलै २०२३ रोजी सुनील तटकरे यांची महाराष्ट्र राष्ट्रवादी काँग्रेसचे प्रदेशाध्यक्ष म्हणून झालेली घोषणा पूर्णपणे एकतर्फी होती. त्यांनी दावा केला की, पक्षाच्या घटनेनुसार, राज्य समिती सदस्यांनी पारदर्शक आणि लोकशाही संघटनात्मक निवडणूक प्रक्रियेद्वारे अध्यक्षांची निवड करणे बंधनकारक आहे.