तिजोरीच्या चाव्यांवरुन रंगलं राजकारण! जोरदार राजकीय वादंगानंतर अजित पवारांचा यु-टर्न

उपमुख्यमंत्री अजित पवार यांनी अर्थखात्याचा उल्लेख करत तिजोरीची चावी असल्याचे सांगितले होते. यावरुन वाद निर्माण झाल्यानंतर अजित पवार यांनी सावरासावर केली.

• अजित पवार यांनी निधीतून मतांची मागणी केली होती
• तिजोरीच्या चाव्यांच्या वक्तव्यावरुन वाद
• अजित पवारांनी घेतले आपल्या वक्तव्यावरुन यु – टर्न

Ajit Pawar : पुणे : राज्यामध्ये स्थानिक स्वराज्य संस्थांच्या (Local Body Elections) निवडणुकीची रणधुमाळी सुरु आहे. आज प्रचाराचा शेवटचा दिवस असून येत्या 2 डिसेंबर रोजी मतदान होणार आहे. निवडणुकीच्या प्रचारामध्ये महायुतीचा अंतर्गत वाद चव्हाट्यावर आला आहे. अनेक नेत्यांनी एकमेकांची पोलखोल केली असून वादविवाद झाले आहे. दरम्यान, उपमुख्यमंत्री अजित पवार यांनी एका भाषणामध्ये मत द्या निधी देतो अशा आशयाचे वक्तव्य करुन तिजोरीच्या चाव्या त्यांच्याकडे असल्याचे सूचक वक्तव्य केले. यावरुन जोरदार राजकीय वाद निर्माण झाल्यानंतर आता अजित पवार (Ajit Pawar) यांनी आपल्या वक्तव्यापासून यु-टर्न घेतला आहे.

प्रचारसभेमध्ये उपमुख्यमंत्री अजित पवार यांनी निधीचा उल्लेख केला होता. अजित पवार म्हणाले होते की, तुम्ही राष्ट्र‌वादीच्या उमेदवारांना मतदान करा, तुमच्या भागाला निधी कमी पडू देणार नाही. तुमच्या हातात मत आहे, तर माझ्या हातात निधी आहे त्यांच्या या वक्तव्यानंतर राष्ट्रवादीच्या पदाधिकाऱ्याऱ्यांनीही म्हटले होत की, “अजित पवारांच्या हातात राज्याच्या तिजोरीच्या चाव्या आहेत. त्यामुळे राष्ट्रवादीला मतदान केल्यास निधी मिळेल, असे समर्थन राष्ट्रवादी अजित पवार गटाचे नेते करत होते. यामुळे भाजप नेत्यांनी देखील चोख प्रत्युत्तर देण्यास सुरुवात केली.

हिवाळी अधिवेशनापूर्वी सोनिया आणि राहुल गांधीविरोधात गुन्हा दाखल? नव्या राजकीय वादाची ठिणगी

यावरुन जोरदार राजकीय वाद निर्माण झाल्यानंतर उपमुख्यमंत्री अजित पवार यांनी सावरासावर केली आहे. अजित पवार यांनी आपले वक्तव्य हे ओघाओघात असल्याचे म्हणत विषय संपवण्याचा प्रयत्न केला आहे. अजित पवार म्हणाले की, “उद्या या ठिकाणी मुख्यमंत्री आले तर ते देखील त्याची भूमिका मांडतील. तुम्ही सर्व विचार करा. मी परवा कुठेतरी बोलताना म्हणालो की तिजोरीच्या चाव्या माझ्याकडे आहेत. पण तो बोलण्याचा भाग होता. शेवटी जनता जनार्धन सर्व काही असतात लगेच बाकीच्यांनी सांगितले की चावी तुच्याकडे आहे, पण तिजोरी आमच्या खोलीमध्ये आहे. अरे पण कोणात्याही खोलीत तिजोरी असूद्या, काय करायचंय? राज्याच्या जनतेची तिजोरी आहे. माझ्या बापाची पण नाही आणि इतरांच्याही बापाची नाही, ही गोष्ट खरी आहे”, असं अजित पवार यांनी म्हटलं आहे.

अनेक मंडळी येतात अन् गप्पा मारतात, आश्वासने देणाऱ्यांना आता…; रवींद्र चव्हाणांची शिवतारेंवर सडकून टीका

पुढे अजित पवार म्हणाले की, ठमी बोलता बोलता ओघात बोलून गेलो. त्यानंतर लगेच मीडिया आणि बातम्या, पण माझ्याकडे जो काही अधिकार आहे तो आहेच आणि माझ्यापेक्षा जास्त अधिकार मुख्यमंत्र्यांकडे आहेत, हे देखील मी मान्य करतो. माझ्याकडे जो अधिकार आहे, त्या आधारावर विकासाला मदत करणं हे माझे कर्तव्य आहे’, असं अजित पवार म्हणाले आहेत. यामुळे अजित पवार यांनी आपल्या निधीच्या आणि अर्थखात्याबाबत केलेल्या वक्तव्यावरुन माघार घेतली असल्याचे स्पष्ट दिसून येत आहे.