विधिमंडळाच्या हिवाळी अधिवेशनाचे सूप आज वाजणार; 'हा' मुद्दा अद्याप प्रलंबितच
नागपूर : मुंबईतील मालवणी येथील महापालिकेची शाळा खासगी संस्थेला चालवण्यात देण्याच्या प्रश्नावरून बुधवारी विधानसभेत कौशल्य विकासमंत्री मंगलप्रभात लोढा आणि काँग्रेसचे आमदार अस्लम शेख यांच्यात जोरदार खडाजंगी झाली. शेख यांना महापालिकेची शाळा ताब्यात घेण्याचा आणि याप्रकरणी मला धमकावण्यात आल्याचा आरोप लोढा यांनी केला. तर टीईटी परीक्षा उत्तीर्ण नसलेल्या शिक्षकांची नियुक्ती रद्द करण्याची मागणी शेख यांनी केली. या प्रश्नावर शालेय शिक्षण मंत्री दादा भुसे यांनी बैठक घेण्याचे आश्वासन दिल्यानंतर लोढा आणि शेख यांच्यातील वादावादी शमली.
बुधवारी प्रश्नोत्तराच्या तासात अस्लम शेख यांनी मुंबई महापालिका शाळांचे खासगीकरण करण्याच्या निर्णयाबाबत प्रश्न विचारला होता. या प्रश्नाला उत्तर देताना नगरविकास राज्यमंत्री माधुरी मिसाळ यांनी मुंबई महापालिकेच्या पीपीपी तत्वावर मालवणीमधील शाळा प्रयास या संस्थेला दिला. शाळा संस्थेला चालवायला दिली नाही तर संस्थेने फक्त नववी आणि दहावीच्या विद्यार्थ्यांसाठी शिक्षक नेमले आहेत. त्यामुळे दहावीच्या निकालात सुधारणा झाल्याचा दावा केला.
राज्यमंत्र्यांच्या उत्तराने समाधान न झालेल्या शेख यांनी संस्थेने नियमानुसार टीईटी उत्तीर्ण शिक्षक नेमलेले नाहीत. तसेच शिक्षकांच्या बदल्या केल्या जात असून, याप्रकरणी महापालिका आयुक्त किंवा प्रधान सचिवांच्या स्तरावर चौकशी करण्याची मागणी केली. ही चर्चा सुरू असताना मंत्री लोढा उभे राहिले आणि त्यांनी शेख यांना उद्देशून मालवणीची शाळा फझलानी ट्रस्टकडे ठेवण्यामागे हेतू काय आहे? असा सवाल केला. या ट्रस्टने परीक्षेच्या तोंडावर शाळा चालविण्यास नकार दिला. ही शाळा प्रयास संस्थेकडे आल्यानंतर विद्यार्थ्यांच्या निकालात काय सुधारणा झाली हे बघा असे आव्हान देत लोढा यांनी शाळेत पालकांनी आंदोलन केले, तेव्हा आपण पालकमंत्री या नात्याने शाळेत जाऊन मुख्याध्यापकांची भेट घेतल्याची माहिती दिली.
त्यावेळी शेख यांनी माझ्याशिवाय येथे कुणी येऊ शकत नाही. येथे सरकार चालणार नाही तर फक्त अस्लम शेख चालेल, अशी भाषा केल्याचे सांगत लोढा यांनी यासंदर्भात आपल्याकडे व्हिडिओ असल्याचा दावा केला. मालवणीत १०० एकर सरकारी जागेवर अतिक्रमण झाले असून येथील लोकसंख्या २० टक्क्यांवरून ३७ टक्क्यांवर गेल्याचा दावा करत शेख यांना लक्ष्य केले. शेख यांनी पुन्हा शिक्षकांच्या पात्रतेचा मुद्दा उपस्थित केले.
हेदेखील वाचा : Raj Thackeray in Thane Court : राज ठाकरे ठाणे कोर्टात दाखल; मला गुन्हा कबुल नाही…’ म्हणून स्पष्टच सांगितलं
.png "Videos"){kind=small}
