BJP Congress Poster War: शाहांवरून संसदेत सत्ताधारी-विरोधकांमध्ये राडा; विद्यार्थी आंदोलनाचा संसदेत भडका

दिल्लीत विद्याथ्यांवर झालेल्या पोलिस कारवाईवरून आतापर्यंत एनडीए बॅकफूटवर असल्याचे दिसत होते. मात्र, झारखंडच्या घटनेनंतर भाजपने आघाडी उघडली आहे. भाजप खासदारांनी संसदेच्या मुख्य दारावर निदर्शने केली.

• सत्ताधारी भाजप आणि एनडीए खासदारांकडून संसदेच्या आवारात निदर्शने व विरोधकांना सवाल.
• पंतप्रधान नरेंद्र मोदी आणि गृहमंत्री अमित शाह विद्यार्थ्यांवरील कारवाईवरून पळ काढत असल्याचा आरोप.
• राहुल गांधींच्या मौनावर सवाल उपस्थित करणाऱ्या भाजप खासदारांना सडेतोड प्रत्युत्तर.

BJP Congress Poster War: दिल्लीतील विद्यार्थी आंदोलनातून सुरू झालेली राजकीय लढाई मंगळवारी संसद परिसरापासून थेट झारखंडपर्यंत जाऊन पोहोचली. झारखंडमध्ये विद्यार्थ्यांवर झालेल्या मारहाणीचा मुद्दा सत्ताधाऱ्यांनी लावून धरत संसदेतील वातावरण तापवले. सत्ताधारी आणि विरोधकांचे खासदार आमनेसामने आले आणि घोषणाबाजीसह धक्काबुक्कीपर्यंत पाळी आली.

काँग्रेसने पंतप्रधान नरेंद्र मोदी आणि केंद्रीय गृहमंत्री अमित शाह यांच्यावर विद्यार्थ्यांवरील कारवाईच्या मुद्द्यावरून पळ काढत
असल्याचा आरोप केला. तर, भाजप आणि एनडीएच्या खासदारांनी राहुल गांधी झारखंडला न जाण्यावरून आणि मौन बाळगण्यावरून सवाल उपस्थित केले. मंगळवारी सकाळी प्रियंका गांधी संसदेत पोहोचताच एनडीए खासदार हातात फलक घेऊन निदर्शने करत होते.

‘कुणबी प्रमाणपत्र रद्द केलेलं नाही, बावनकुळेंना टार्गेट करणं योग्य नाही,’ मनोज जरांगेंच्या आरोपांवर फडणवीसांचं प्रत्युत्तर

भाजप खासदार मुकेश दलाल यांनी राहुल झारखंडला का गेले नाहीत? असा सवाल केला. हे ऐकून प्रियंका थांबल्या आणि हसत त्यांनी फलकाकडे पाहिले. त्या म्हणाल्या, राहुल झारखंडच्या विद्यार्थ्यांना भेटले आहेत. तुमच्याकडून तर आता आंदोलन करून घेतले जात आहे.

मंगळवारी संसद परिसर रणांगण बनले होते. एकीकडे भाजप झारखंडमधील विद्यार्थ्यांच्या मुद्दधावरून आक्रमक होती, तर विरोधक दिल्लीतील विद्यार्थी आंदोलनावरील लाठीचार्ज, राम मंदिर दानचोरी आणि पेपर फुटीच्या मुद्दधावरून सरकारला घेरण्यात व्यस्त होते.

शिवसेना पक्ष आणि धनुष्यबाण चिन्हाचा वाद; कपिल सिब्बलांचा निवडणूक आयोगावर थेट निशाणा, सर्वोच्च न्यायालयात जोरदार युक्तिवाद

मोदी-शाह यांच्यात सर्व ठीक आहे ना?

काँग्रेस नेते जयराम रमेश यांनी केंद्र सरकारवर हल्लाबोल केला. ते म्हणाले की, गेल्या १७ दिवसांपासून अमित शाह लोकसभेत दिसले नाहीत ना राज्यसभेत, हे अभूतपूर्व आहे, सरकारमधील नंबर वन (मोदी) आणि नंबर टू (अमित शाह यांच्यात सर्व ठीक आहे ना?

 

विरोधकांची निदर्शने

दिल्लीत विद्याथ्यांवर झालेल्या पोलिस कारवाईवरून आतापर्यंत एनडीए बॅकफूटवर असल्याचे दिसत होते. मात्र, झारखंडच्या घटनेनंतर भाजपने आघाडी उघडली आहे. भाजप खासदारांनी संसदेच्या मुख्य दारावर निदर्शने केली. एनडीए खासदार संसद ग्रंथालयाकडून ‘मकर द्वारा ‘च्या दिशेने मार्च करत राहुल गांधींविरोधात घोषणाबाजी करत राहिले. दुसरीकडे, प्रियंका गांधी आणि सपा अध्यक्ष अखिलेश यादव यांच्यासह विरोधी खासदारही आंदोलनाला उतरले. या दरम्यान दोन्ही बाजूंचे खासदार एकमेकांच्या खूप जवळ आले, परिस्थिती बिघडत असल्याचे पाहून सुरक्षा कर्मचाऱ्यांना मध्ये कडे करून प्रकरण शांत करावे लागले.